Hapet gjykata e Elbasanit por dalin 6 punonjës me 'COVID-19', probleme në Vlorë, sekretarë e dy gjyqtarë dalin të infektuar

Gjykata e Elbasanit

Virusi pandemik “COVID-19” ka sjellë probleme në gjykimin e dosjeve civile dhe penale në gjykatën e Vlorës dhe Elbasanit. Pikërisht gjykata e Elbasanit, e cila sot hapi dyert për qytetarët, sërisht që ditën e parë pati probleme me funksionimin për sa i përket organizimit të punës së zhvillimit të gjyqeve, pasi tashmë rezultojnë të prekura 6 sekretare.

Proceset gjyqësore nuk mund të zhvillohen pa praninë e sekretareve gjyqësore dhe për pasojë sot puna ka mbetur në vend numëro, për sa i përket zhvillimit të gjyqeve. Ndërkohë edhe në prokurorinë e Elbasanit, janë vërejtur probleme me virusin pandemik “COVID-19”, ku dy sekretare janë prekur nga ky virus.

Gjithashtu në gjykatën e Vlorës, janë konstatuar probleme me zhvillimin e proceseve gjyqësore, pasi 6 punonjës të kësaj gjykate, mes të cilëve dy gjyqtarë janë prekur nga virusi pandemik “COVID-19”. Kjo situatë e paprecedentë ka sjellë akumulimin e çështjeve civile dhe penale, duke krijuar probleme me afatet dhe zgjatjes së gjykimeve.

Be.K./Shqiptarja.com
  • Sondazhi i ditës:

    Rihapet çështja Gërdeci, a mendoni se do të bëhet drejtësi për këtë tragjedi?

Komento


×

Lajmi i fundit

John

Grabitje në Malësinë e Madhe, denoncimi i familjarëve: U futën në shtëpi e na thanë jemi policë, morën para dhe telefonat e ikën në këmbë