SHKODËR- Në Shirokë është ngritur një qendër ankandi për tregtimin e peshkut. Kjo pikë grumbullimi e licencuar synon të rrisë cilësinë e ruajtjes dhe tregtimit si dhe u vjen në ndihmë 210 subjekteve në zonë.
Kjo është qendra e ankandit të peshkut e ngritur së fundmi në Shirokë. Këtu peshkatarët sjellin krapin e zënë në liqen, për ta shitur tek tregtarët që vijnë nga të gjitha anët e vendit. Që në orët e para të mëngjesit e gjithë sasia e krapit është shitur, ndërsa në mesditë vaskat janë të boshatisura.
Report Tv ka qenë pranë kësaj qendre të ngritur së fundmi nga organizata e menaxhimit të peshkut në Shkodër. Drejtori, Arjan Çinari tregon si lindi ideja për të grumbulluar gjithë peshkun e Shirokës në një pikë të vetme grumbullimi.
"Lindi si ide nga vetë peshkatarët nga nevoja e një tregu. Duke parë edhe abuzimet e tregtarëve me peshkatarët, organizata e menaxhimit mori këtë nismë me fondet e saj dhe të ministrisë së Bujqësisë", tha Çinari.
Çinari shprehet se peshku del nga kjo qendër është me certifikatë veterinare, ç'ka garanton cilësinë.
"Cilësia këtu është e garantuar. Çdo tregtar që shet peshk është i detyruar të tregojnë certifikatën e origjinës. Se mund të vijë peshk agrokulturë dhe shitet si peshk i liqenit të Shkodrës, pra e konkurron ne çmim, por kjo specie (e kultivuar) nuk është kurrë si krapi i egër që rritet në liqenin e Shkodrës", u shpreh ai.
Nga ana tjetër synohet te luftohet tregtia e paligjshme.
"Peshkatarët e paligjshme nuk do të lejohen të shesin në këtë qendër. Ata nuk do të pajisjen me certifikate veritare dhe do mbeten të zbuluar ne treg", përfundon Çinari.
Ankandi i Peshkut në Shirokë u shërben rreth 210 subjekteve dhe është një investim prej 43 milion lekesh i Organizatës së Peshkimit dhe Ministrisë së Bujqësisë. Kapaciteti është për 5 ton peshk, por mesatarja e krapit që kapet në Shirokë është rreth 2 ton në muaj.
Lajme të tjera
-
Shndrite n’Shirokë’, nis edicioni i parë i festivalit të dritave
17 Gusht, 21:33 -
Një piano, tezgjah e muzika e oborreve të Shkodrës, Robert Bisha sjell koncertin e veçantë te Liqeni i Shkodrës
16 Gusht, 20:21
-
Video/ Pas 34 vitesh nis hedhja e rasatit të krapit në liqenin e Shkodrës! Së shpejti dhe një markatë e re peshku
10 Korrik, 16:02
-
Tenorët me famë botërore Ramë Lahaj dhe Alessandro Serafina magjepsin shkodranët në Shirokë
9 Qershor, 15:02
-
Shkodër, u kap me kanabis me vete, arrestohet 32-vjeçari
15 Prill, 09:34 -
Shkodër/ U kapën me kokainë në Shirokë, arrestohen dy 22-vjeçarë! Njëri prej tyre kishte municion luftarak në shtëpi
14 Prill, 12:36 -
Nis ndërtimi i parkingut publik në Shirokë, Rama: Ndikim në shërbimin ndaj turistëve
24 Mars, 19:15 -
Mbetjet e inerte në Shirokë, Rama: Ndëshkime për ata që shkelin rregullat dhe keqpërdorin hapësirat publike
30 Korrik 2023, 13:32 -
Shkodër/ Së shpejti, Liqeni i Shirokës do të vizitohet me varka turistike
18 Qershor 2023, 08:20 -
Ndoc Partia- 'O Edi Rama' Unë dhe gjarpri…
28 Maj 2023, 14:35
-
Shiroka e fëmijëve, e 'gjarpërinjve që pinë ujë në liqen' dhe 'a ke punë me kënd?'
2 Shtator 2022, 20:08
-
Festa e Liqenit të Shkodrës, kryebashkiaku Spahia: Më shumë investime në Shirokë
18 Qershor 2022, 17:28
