POP 5

Lajmet më të lexuara të 5 minutave të fundit

Kronikë

Kosova & Rajoni

Haradinaj pro taksës në 'Rrugën e Kombit': Ndodh në të gjithë botën, keqardhje për skenat

Kryeministri i Kosovës Ramush Haradinaj shprehet pro vendosjes së tarifës në "Rrugën e Kombit". Shefi i ekzekutivit thekson se një gjë e tillë ndodh në të gjitha vendet e botës për mirëmbajtjen. Sipas tij duhet më shumë komunikim për këtë çështje.

"Pa taksë është e pamundur, duhet me u vendos për tunelin, rrugën, kosto e ndërtimit. Ndodh në gjithë botën". Kështu është shprehur kryeministri i Kosovës Ramush Haradinaj teksa ka komentuar situatën e fundit pas protestës së javës së kaluar në Kalimash ku u dogjën sportelet e firmës koncesionare.

Nga ana tjetër Haradinaj ngre shqetësimin se qeveria shqiptare nuk ka biseduar me Prishtinën për këtë çështje, ndërsa ka propozuar një komunikim më të mirë për arsyet e vendosjes së kësaj tarife, pasi siç vëren edhe Haradinaj, rruga nuk ka përfunduar ende.    

"Kjo temë nuk është diskutuar në mbledhjet e kaluara mes qeverive, jemi të interesuar që ta diskutojmë, pa taksë është e pamundur, duhet me u vendos për tunelin, rrugën, kosto e ndërtimit. Ndodh në gjithë botën. Ndoshta tek kalkulimi dhe komunikimi është pak problem. Ne në të kaluarën kemi qene shume solidarë, kemi dhënë për çështje të ndryshme. Është dash me ju thënë kosovarëve që nga parja juaj që jepni për këtë taksë për atë taksë do të përmbyllet ajo rrugë, janë pjesë të tëra që kanë mbet pa përfunduar. Njëkohësisht e zgjatin kohen. Është mirë një komunikim më i mirë". 

Kryeministri i Kosovës, Ramush Haradinaj

Në një intervistë për "Vizion +" kryeministri i Kosovës dënon edhe aktet e dhunës në "Rrugën e Kombit", ndërsa apeli i tij është për vetëpërmbajtje. "Me ka ardhur keq nga skenat qe kam pa, duhet me pas kujdes, ju bej thirrje te përmbahen, duhet te kemi kujdes ne veprimet tona, është e dhimbshme kur shkaktojmë aq shumë dëm me qëllimin për të rregulluar diçka tjetër". 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça