TIRANE-Shqipëria ka shpallur ‘non grata’ dy diplomatë rusë pas përplasjes mes Britanisë së Madhe dhe Rusisë. Dy diplomatët që janë dëbuar nga Shqipëria janë Vladislav Filipov, atashe ushtarak dhe Alexey Nikolaevich Balashov, sekretar i parë i ambasadës së Rusisë në Tiranë.
Me vendimin e sotëm Shqipëria u bashkohet vendeve të aleancës së NATO-s, që vendosën sanksionet pas helmimit të ish-spiunit rus në Britani, gjë për të cilën akuzohet Moska.
Ministria për Europën dhe Punët e Jashtme njofton se veprimtaria e dy diplomatëve rusë në Shqipëri nuk përputhet me statusin e tyre diplomatik. Nota verbale i është komunikuar ambasadorit të Rusisë në Shqipëri, Aleksander Karpushin.
“Sot, në datë 26 mars 2018, në Ministrinë për Evropën dhe Punët e Jashtme u thirr Ambasadori i Jashtëzakonshëm dhe Fuqiplotë i Federatës Ruse në Republikën e Shqipërisë, SHTZ Aleksander Karpushin, të cilit i’u komunikua nota verbale për shpalljen si persona të padëshirueshëm të dy diplomatëve rusë, veprimtaria e të cilëve nuk përputhet me statusin e tyre diplomatik”
Njoftimi i Ministrisë për Europën dhe Punët e Jashtme të Shqipërisë.
Kryeministri Rama i ka njohur deputetët e tij me këtë vendim në mbledhjen e grupit parlamentar. Ngjarja që po trazon botën daton në 4 mars të këtij viti, ku Sergei Skripali dhe vajza e tij Yulia u helmuan në Salisbury të Anglisë me një agjent kimik nervor që e zotëron vetëm Rusia.
Pas asaj dite, Shtetet e Bashkuara kanë urdhëruar dëbimin e 60 diplomatëve rusë, ndërsa Gjermania dhe Franca kanë njoftuar gjithashtu se do të përjashtojnë nga 4 diplomatë rusë secila. Edhe 14 vende të tjera evropiane i janë bashkuar Britanisë e cila nisi e para dëbimin e rusëve me 23 të tillë javën e shkuar.
Ministria e Jashtme e Rusisë ka reaguar pas vendimit të SHBA dhe vendeve të tjera të NATO-s përfshirë edhe Shqipërinë që vendosën dëbimin e diplomatëve pas përplasjes së Moskës me Londrën. Moska shpreh protestën për vendimin e dëbimit të diplomatëve.
Ngjarja që po trazon botën daton në 4 mars të këtij viti, ku Sergei Skripali dhe vajza e tij Yulia u helmuan në Salisbury të Anglisë me një agjent kimik nervor që e zotëron vetëm Rusia. Pas asaj dite, Shtetet e Bashkuara kanë urdhëruar dëbimin e 60 diplomatëve rusë, ndërsa Gjermania dhe Franca kanë njoftuar gjithashtu se do të përjashtojnë nga 4 diplomatë rusë secila. Edhe 14 vende të tjera evropiane i janë bashkuar Britanisë e cila nisi e para dëbimin e rusëve me 23 të tillë javën e shkuar. Shqipëria dëboi sot dy diplomatë rusë duke i shpallur si të padëshirueshëm.
Reagim i Ministrisë së Punëve të Jashtme të Rusisë:
Shprehim protestën tonë të fortë lidhur me vendimin e disa vendeve-anëtare të BE-së dhe NATO-s për dëbimin e diplomatëve rusë.
E shohim këtë veprim si një akt jomiqësor i cili nuk përputhet me objektivat dhe interesat për të zbardhur arsyet dhe për të identifikuar përgjegjësit e incidentit të ndodhur më 4 mars 2018 në Salisbury. Ky gjest provokues i solidaritetit famëkeq me Londrën nga ana e këtyre vendeve, të cilët i ndoqën verbërisht autoritetet britanike në të ashtuquajturën “çështje Skripal” dhe as nuk u përpoqën t’i merrnin vesh rrethanat e ngjarjes, përbën vazhdimin e linjës konfrontuese drejt përshkallëzimit të situatës.
Duke ngritur akuza të pathemelta kundër Federatës Ruse në mungesë të shpjegimeve se çfarë ka ndodhur, dhe duke refuzuar një bashkëpunim konkret, autoritetet e Britanisë së Madhe de facto kanë mbajtur një qëndrim të paragjykuar, të njëanshëm dhe hipokrit.
Fjala bëhet për një atentat ndaj jetës së shtetasve rusë në territorin e Britanisë së Madhe. Pala ruse, pavarësisht kërkesave tona të përsëritura ndaj Londrës, ende nuk ka marrë asnjë informacion përkatës. Asnjë të dhënë objektive dhe shteruese nuk kanë as aleatët e Britanisë së Madhe, të cilët po e zbatojnë verbërisht parimin e unitetit euroatlantik në dëm të gjykimit të shëndosh, rregullave të dialogut të qytetëruar ndërshtetëror dhe parimeve të së drejtës ndërkombëtare. Kuptohet vetvetiu se ky hap jomiqësor i ndërmarrë nga grupi i vendeve në fjalë nuk do të kalojë pa u vënë re dhe ne do të reagojmë ndaj tij.
Pas vendimit të SHBA për të dëbuar diplomatët rusë pas përplasjes me Britaninë e Madhe, ka reaguar edhe ambasada amerikane në Tiranë. Ambasada thekson se SHBA e ndërmori dëbimin e diplomatëve rusë në koordinim me aleatët e NATO-s dhe partnerët kudo në botë, ku përfshihet edhe Shqipëria, që është pjesë e aleancës.
“Shtetet e Bashkuara e kanë ndërmarrë këtë masë në bashkëpunim me aleatët tanë në NATO dhe partnerët tanë kudo në botë, në përgjigje ndaj përdorimit të armëve kimike të nivelit ushtarak nga Rusia në territorin e Mbretërisë së Bashkuar, veprimi më i fundit në vazhdën e veprimeve të saj destabilizuese në mbarë botën”, thuhet në postimin e ambasadës.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
O shqiptare ju mendoni se Britania e madhe do e kishte bere kete per ne harroje kurre ato rraca qe urrejne me shume jane shqiptaret.
PërgjigjuNuk kruhet e pasmja me shishe te thyer megjithate per hir te mbeshtetjes se Kosoves nga britaniket e mbeshtes vendimin
PërgjigjuTe shkretet ne mbaruam tu ja u thithe te huajve sa te jete jeta
PërgjigjuMirese Durreai dhe Berati po Elbasani c'pati.
Përgjigjuore po shqiperise ci kruhet me keto gjera, kerkon mezi tu terheqi vemendjen te huajve, shif o shqiptar punen tende se e kalamajt e tuaj se jeni bere si grua e ve me 20 kalamaj me disa burra te ndryshem. Mire qe sna rregulloni me ndonje shtet te botes por te pakten mos na prishni dhe me ato qe sjemi prishur, se gje ne vije nuk kemi me asnje shtet te botes, edhe kosova po na shfaq dhembet tani e jo me te tjeret qe sna kane asgje.
PërgjigjuA i keni emrat e 2 diploamteve te debuar sot? nese po a eshte nder to shefi i rezidentures ne Ambasaden e Federates Ruse ne Tirane, Markovi i zyres konsullore?!?!?!
Përgjigjupo ke kan debuar se spo fim gje? *hahahahaha
PërgjigjuPo Rusin Bashe kur do ta deboni nga Shqiperia?
PërgjigjuNuk jam dakort me kete sepse Britania nuk do ta kishte bere kete per ne
Përgjigju