'Himara' në KAS, Opozita kërkon pavlefshmërinë e zgjedhjeve të pjesshme të 4 gushtit

Tirane- Komisioni i Ankimimeve dhe Sanksioneve po shqyrton ankimimin e koalicionit ‘Bashkë Fitojmë’ që kërkon pavlefshmërinë e zgjedhjeve të pjesshme që u mbajtën në Himarë më 4 gusht 2024.

Objekti i ankesës është "Kundërshtim i vendimit nr. 85, datë 05.08.2024 “Për miratimin e Tabelës Përmbledhëse të Rezultateve për zgjedhjen e Kryetarit të Bashkisë Himarë në zgjedhjet e pjesshme të datës 04.08.2024, të KZAZ nr. 88".

Debati u përqëndrua tek zgjedhësit me kartë identiteti të skaduar. Sipas administratës janë 6 mijë zgjedhës të cilët kanë figuar me karta identiteti të skaduar.

Opozita thotë se janë mbi 200 zgjedhës, votues të regjistruar që kanë rinovuar kartat e skaduara dy ditë para zgjedhjeve nuk janë njohur nga paisja pay.

Por për socialistët kjo nuk përbën provë për pavlefshmërinë e zgjedhjeve pasi votuesit janë identifikuar manualisht.

“Kjo vërteteton se personat kanë pasur pasaportat, kanë pasur emrin në listë, e kanë votuar. Ku është pavlefshmëria? tha juristi përfaqësues socialist, Eridian Salianji

Mbledhja e KAS u ndërpre për 2 orë për ti vënë në dispozicion opozitës disa informacione shtesë nga administrata, ndërkohë vijoi në orën 13:30 . 
 

Çfarë kërkoi opozita nga administrata e KQZ?
1/ Raportin e Audituesit Teknicien lidhur me problematikën e listave të zgjedhësve në Himarë.
2/ Raportin e shkruar ose e-mail të kompanisë Smarmatic që menaxhon sistemin e pajisjeve PEI, pas perfundimit te zgjedhjeve ne Himare lidhur me ecurine e procesit te identifikimit te zgjedhesve ne 36 QV e Bashkise Himare;
3/ Kopje e te gjitha Regjistrave te Posaçem të 36-QV ne Himare, ku jane evidentuar te pakten 560 zgjedhes qe nuk jane lejuar te votojne pasi karta ID e tyre rezultonte me
date te skaduar.
4/ Kopje e të gjitha proces-verbaleve apo dokumentave te tjere te votimit të 36-QV ne Himare, ku mund te jete shenuar manualisht identifikimi i mbi 260 votuesve te cileve,
pajisja PEI nuk i njihte, edhe pse kartat e tyre ID ishin rinovuar pak dite perpara dates 4 Gusht 2024;
5/ Dokumentacionin qe disponon adminitrata e KQZ qe tregon shtimin me mbi 360 zgjedhes te rinj në Himarë qe nga zgjedhjet e 14-majit 2024;
6/ Listen e personave te caktuar si komisionere nga Partia Socialiste ne 36-QV ne Himare, dhe funksionin ne Administraten Publike (Qendrore apo Vendore) te atyre individeve qe ishin pjese e saj deri ne 4 Gusht 2024; 
7/ Dokumentacionin qe verteton se keta persona ishin pajisur me autorizim/leje paraprake nga DAP per t'u angazhuar ne procesin zgjedhor.

 

Zgjedhjet në Himarë u fituan nga kandidati socialist, Vangjel Tavo me 1477 vota më shumë se kandidati i opozitës Petro Gjikuria. 

(Kliko këtu për të lexuar dokumentin e plotë)

Lajmi ne perditesim...

S.G/Shqiptarja.com

TAG:
• himare
• Vlore
• zgjedhjet e pjesshme ne himare