Humb jetën mjeku i prekur me COVID i shtruar prej 2 javësh,144 raste të reja në 24 orët e fundit/ Infektohen 2 arsimtarë e 1 sanitare në Delvinë

Ministria e Shëndetësisë dhe Mbrojtjes Sociale ka lajmëruar se kanë humbur jetën 3 persona për shkak të koronavirusit. Në 24 orët e fundit janë kryer 824 testime dhe janë konfirmuar 144 qytetarë të prekur me COVID19. Sipas informacioneve, një edukatore, një mësues dhe një sanitare janë infektuar në Delvinë, duke lënë prindërit e fëmijëve që shkojnë në shkolla mjaft të shqetësuar.

Mjeku nga Kavaja, Sefer Dervishi, i cili ndodhej prej dy javësh i shtruar tek Sanatoriumi ka ndërruar jetë ditën e sotme pasi ishte i prekur me COVID-19. Mjeku 61-vjeçari që shërbente në qendrën shëndetësore ne Helmes vuante dhe nga sëmundje bashkëshoqëruese dhe nuk ka mundur të mbijetojë pasi u prek nga koronavirusi.

Ministria e Shëndetësisë dhe Mbrojtjes Sociale ka reaguar pas vdekjes së mjekut të qendrës shëndetësore Helmas në Kavajë, Sefer Dervishi  i prekur me COVID. Sipas tyre ai ndërroi jetë pas dy javësh në terapi intensive në spitalin “Shefqet Ndroqi” dhe vuante vuante nga disa sëmundje. Ministria i la uruar ngushëllime familjes, kolegëve dhe miqve të 61-vjeçarit, i cili i shërbeu deri në fund me devotshmëri komunitetit të tij!

Aktualisht në spitalin Infektiv dhe “Shefqet Ndroqi” po trajtohen 174 pacientë, 16 në terapi intensive nga të cilët 6 pacientë janë të intubuar.

Në 24 orët e fundit e kanë humbur betejën me COVID19 një 57 vjeçar nga Lushnja dhe një 74 vjeçar dhe një 83 vjeçar nga Tirana.

Rastet ditore të identifikuara si rezultat i gjurmimit, testimit dhe hetimit epidemiologjik janë si vijon :

55 raste në Tiranë, 15 në Fier, 10 në Elbasan, 9 në Vlorë, nga 7 raste në Durrës, Kurbin, Divjakë, Gramsh, 6 në Korçë, 5 në Lushnje, nga 3 raste në Shkodër, Pogradec, Delvinë, nga 2 raste në Krujë, Përmet, nga 1 rast në Kavajë, Berat, Gjirokastër.

Në 24 orët e fundit janë shëruar 65 qytetarë, duke e çuar në 6733 që nga fillimi i epidemisë.

COVID-19 – Statistika (16 Shtator 2020)

Testime totale              76400

Raste pozitive                         11816

Raste të shëruara          6733

Raste Aktive                4740

Humbje jete 343 (Qarku Tiranë 165, Durrës 45, Shkodër 39, Elbasan 21, Fier 18, Korçë 15, Lezhë 13, Kukës 8, Dibër 7, Vlorë 6, Gjirokastër 4, Berat 2).

Shpërndarja gjeografike e rasteve aktive sipas qarqeve:

Tiranë              2372

Durrës              526

Shkodër            365

Lezhë              274

Elbasan            262

Korçë              214

Fier                  212

Vlorë               181

Kukës              140

Berat               93

Dibër               51

Gjirokastër      50

Rendit zhvillimet sipas orarit:

Të Fundit Të Parat

//Shqiptarja.com

TAG:
• Koronavirus
• koronavirusi ne shqiperi
• bilanci i koronavirusit
• safer dervishi