COVID19/ 4 viktima dhe 171 të infektuar në 24 orët e fundit/ Mbyllet kopshti në Berat! 3 mësues infektohen në Memaliaj, nga frika prindërit nuk dërgojnë fëmijët në shkollë

Gjatë 24 orëve të fundit kanë humbur jetën 4 persona nga koronavirusi, ndërkohë që janë shtuar edhe 171 raste të reja të cilët janë infektuar.

Janë shëruar 85 qytetarë, duke e çuar në 9585 numrin e të shëruarve në vend që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki: 41 raste në Tiranë, 18 raste në Durrës, 14 raste në Lushnje, 11 raste në Fier, 8 raste në Librazhd, 7 raste në Berat, Gjirokastër, Kuçovë, 6 raste në Shkodër, Korçë, 5 raste në Elbasan, Vlorë, Mallakastër, Skrapar, 4 raste në Tepelenë dhe Përrenjas, 3 raste në Krujë dhe Bulqizë, 2 raste në Mirëditë, Tropojë, Mat, Malësi e Madhe, Peqin, 1 rast në Kukës dhe Patos. 

Si pasojë e infektimit me koronavirus të një edukatore dhe sanitare, është mbyllur kopshti  "10 korriku" në Berat. I gjithë stafi dhe fëmijët ndodhen në karantinë. Ndërkohë që mësohet se në Memaliaj, dy mësues të shkollës "Adem Alushi" janë konfirmuar pozitiv me COVID-19, duke e çuar në tre në total të të prekurve në shkollë. Mësimi nuk është ndërprerë, por prindërit kanë pasur frikë që t'i dërgojnë fëmijët në këtë shkollë. 

Aktualisht në spitalin Infektiv dhe “Shefqet Ndroqi” po trajtohen 244 pacientë, 14 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, katër qytetarë, një 64 vjeçar nga Shkodra, një 66 vjeçare nga Pogradeci, një 71 vjeçar nga Skrapari dhe një 78 vjeçar nga Përmeti.

Nga data 15 tetor maska ose barriera mbrojtëse prej tekstili bëhet e detyrueshme edhe në ambientet e hapura jashtë shtëpisë, në mënyrë që të minimizohet përhapja e infeksionit.

COVID-19 – Statistika (12 Tetor 2020)

Raste të reja ditore                         171

Të shëruar ne 24 orë                      85

Humbje jete në 24 orë                  4

Testime ditore                                  952

Testime totale                   99,598

Raste pozitive                    15570

Raste të shëruara            9585

Raste Aktive                        5561

Humbje jete                          424

Shpërndarja gjeografike e rasteve aktive sipas qarqeve:

Tiranë   2855

Durrës      593

Shkodër   414

Korçë    291

Lezhë        273

Elbasan       231

Fier           264

Vlorë     199

Kukës        153

Berat      145

Dibër     82

Rendit zhvillimet sipas orarit:

Të Fundit Të Parat

TAG:
• Koronavirus
• koronavirusi ne shqiperi