Pas pothuajse një viti nga ngjarja ku dy vëllezërit kanë dhunuar fizikisht dhe më pas i kanë urinuar në kokë një 20 vjeçari, është zbardhur motivi.
 
20 vjeçari u kishte ngacmuar motrën vëllezërve Dashamir dhe Resmi N, për këtë arsye këto të fundit e kanë dhunuar fizikisht të riun dhe më pas në shenjë poshtërimi i kanë urinuar në kokë.
 
Këtë moment ata e kanë filmuar dhe videoja është shpërndarë nëpër rrjetet sociale. Ngjarja është regjistruar në muajin prill të vitit të kaluar ku Gjykata i ka shpallur ato fajtor për veprën penale të “heqjes së paligjshme të lirisë”.  
 
Dashamir N. u dënua me 3 vjet e 4 muaj burg, ndërsa Resmi N. me 2 vjet burg. Për Remsi. N, Gjykata vendosi pezullimin e ekzekutimit të dënimit me burg, duke e lënë në liri me kusht për një periudhë 3- vjeçare. 

Redaksia Online
(B.K/Shqiptarja.com)