Ikin nga "Gucci" dy drejtorët kreativë
Frida Giannini dhe Patrizio Di Marco

Marka prestigjoze Gucci ka ndërruar zyrtarisht drejtorin e saj.

Çifti drejtues Frida Giannini dhe Patrizio Di Marco të cilët janë çift edhe në jetën private janë larguar nga kompania mëngjesin e sotëm pas 12 viteve punë.

Lajmin e bën të ditur Kering, i cili është aksioner francez i markës italiane.

Fillimisht, Frida hyri në Gucci në vitin 2002 vetëm për çantat, më pas edhe për bizhuteritë dhe në vitin 2006 bëhet drejtore kreative e të gjithë produketeve të Guccit.



Zëvendësues do të jetë Marco Di Marco i cili është edhe menaxher i produkteve kozmetike Bottega Verde, një tjetër markë nën menaxhimin e Kering.

Di Marco do të largohet përfundimisht në janar, ndërsa Frida në shkurt pasi të ketë prezantuar koleksionin Vjeshtë/Dimër, 2015/2016.

Ndërsa drejtori i ri pritet që të emërohet së shpejti.

Francois-Henri Pinault, aksionar në grupin e Katering shprehet se e falenderon Fridën për pasionin dhe dedikimin ndaj Guccit.

Francois thotë se ajo e ka transmetuar këtë pasion në punë përderisa marka Gucci është shtrirë në hapësira ndërkombëtare e identifikuar si markë luksi.

Për Guccin ky është viti i 93 brilant në treg.
Redaksia Online
(g.m/shqiptarja.com)