Imami zbulon skenarin e Bashës për përgjmet e Dibrës: I ka ditur që në kohën e çadrës

Ish-Deputeti demokrat Arben Imami zbulon disa detaje që implikojë liderin demokrat Lulzim Bashën në publikimin e përgjimeve nga Bild, pjesë të dosjes 184. Imami deklaroi sot në Real Story se Basha i ka ditur një pjesë të përgjimeve dhe këtë e ka thënë që në vitin 2017 kur ishte në çadër, para marrëveshjes së Ramës.

“Një pjesë të përgjimeve i ka ditur Basha. I ka ditur atë përgjime para majit. E di që ka pasur përgjime problematike, por e di në parim, çështjet që janë publikuar të Dibrës. E ka thënë në çadër. Kurse të Durrësit, sipas informacioneve që unë kam dosjen e Durrësit e ka pasur të zbardhur. Unë i kam marrë vesh para një viti e gjysmë, pasi i kam shkëputur marrëdhëniet me të. Unë e di që Basha ka marrë një person në telefon e i ka thënë që kam një dosje. E ka pyetur se çfarë u bë me dosjen, i ka thënë e kam humbur” tha Imami.

Përgjimet e publikuara nga Bild, është një nga arsyet se pse opozita proteston tashmë prej 5 muajsh dhe refuzoi të marrë pjesë në zgjedhje, pasi kërkon të dënohen vjedhësit e votës së lirë,  duke akuzuar se qeverinë se ka ardhur në pushtet duke manipuluar vullnetin e elektoratit.

//Shqiptarja.com

TAG:
• lulzim basha
• arben imami
• Pergjimet e Bild per Dibren