Imane Khelif fiton medaljen e Artë në Paris 2024! Boksierja algjeriane që trembi botën e shkaktoi 'furtunë' online, fitoi dashurinë e një populli

Medalja e artë shkoi për vajzën që trembi botën. Ajo quhet Imane Khelif dhe është kampionja olimpike e boksit 66 kilogramë: tre raunde nga tre të fituara kundër kundërshtares së saj, kinezes Liu Yang.

Imane Khelif tha se "sulmet" mbi kualifikimin e saj gjinor i dhanë fitores një "shije të veçantë". Khelif fitoi medaljen e artë olimpike të boksit për femra një vit pasi u skualifikua nga Kampionatin Botëror.

"Kam lindur grua. Kam jetuar si grua. Kam konkurruar si grua - nuk ka dyshim për këtë" deklaronte ajo duke shtuar se kishte qenë viktimë e "bullizmit" dhe se Shoqata Ndërkombëtare e Boksit (IBA) "më urren dhe unë vërtet nuk e di pse".

Në ring u mbështet nga shumë algjerianë të cilët valëvitnin flamujt e tyre jeshil, të bardhë dhe të kuq.

Khelif dominoi luftën. Kur rezultati u konfirmua, kundërshtarja Yang ngriti krahun e Khelifit në ajër – në kontrast me  skenat pas ndeshjes së Khelif kundër Angela Carini të Italisë, dhe Khelif u transportua më pas në një arenë ngazëllyese mbi supet e trajnerit të saj.

“Jam shumë i lumtur. Për tetë vjet, kjo ka qenë ëndrra ime dhe tani jam kampione olimpike dhe fituese e medaljes së artë”, tha ajo pas ndeshjes. “Kam punuar tetë vjet, pa gjumë e lodhje. Tani jam kampione olimpike. Dua të falënderoj të gjithë njerëzit që kanë ardhur për të më mbështetur. Të gjithë njerëzit nga Algjeria dhe të gjithë njerëzit e ekipit tim”

Khelif u vendos në qendër të vëmendjes globale pasi mposhti boksieren italiane Angela Carini në vetëm 46 sekonda në një ndeshje paraprake.

Lufta shkaktoi një sulm verbal denigrues dhe abuzues në internet, me komentuesit transfobikë që e quanin gabimisht Khelifin "burrë" sepse kishte dështuar në një të ashtuquajtur "test gjinor" nga një federatë boksi tashmë e diskredituar.

Komiteti Olimpik Ndërkombëtar (IOC) që mori përsipër sportin për Lojërat e vitit 2024 tha se asnjë federatë ndërkombëtare nuk ishte e kualifikuar për të drejtuar sportin dhe theksoi vazhdimisht se Khelif përmbushte kriteret për të konkurruar.

Sot ajo do të fluturojë për në vendin e saj, e pret presidenti Abdelmadjid Tebboune, i cili pas disa javësh do të përballet me zgjedhjet presidenciale.

Imane Khelif u quajt shembull i forcës dhe rezistencë, pasi u vu në dyshim identiteti i saj seksual vetëm sepse ajo është një grua afrikane, algjeriane. Nuk ka faqe në rrjetet sociale algjeriane që të mos tregojë për Imanen, instagrami i të cilës në vetëm pak ditë nga disa mijëra ndjekës u bë 1.6 milionë. Ata i kushtuan këngë dhe krijuan murale. Madje janw bwrw dhe bluza me fytyrën e saj e qindra meme.

S.G/Shqiptarja.com

TAG:
• Imane Khelif
• paris 2024