POP 5

Lajmet më të lexuara të 5 minutave të fundit

Arkiva

Impianti i përpunimin të mbetjeve urbane në Elbasan edhe një burim ekonomik

TIRANË – Nisi puna për ndërtimin e impiantit për përpunimin e mbetjeve urbane, në qytetin e Elbasanit. Është ky një investim prej 22 milionë euro që parashikon t’i japë zgjidhje problemit serioz të trajtimit të mbetjeve urbane dhe t’i shndërrojë ato në energji.
TIRANË - Nisi puna për ndërtimin e impiantit për përpunimin e mbetjeve urbane, në qytetin e Elbasanit.
Është ky një investim prej 22 milionë euro që parashikon t'i japë zgjidhje problemit serioz të trajtimit të mbetjeve urbane dhe t'i shndërrojë ato në energji.
Impianti, është vendosur në vendgrumbullimin e mbetjeve në anë të ish kombinatit metalurgjik në Elbasan, që ishte kthyer në një rrezik serioz për shëndetin dhe mjedisin për qytetin dhe zonat përreth, ku gjenerohen rreth 120-140 tonë mbetje të ngurta urbane.
Projekti parasheh avantazhe jo vetëm për Elbasanin, por edhe më gjerë. Nga njëra anë, i jepet zgjidhje një problemi serioz në vend, mbledhjes dhe grumbullimit të mbetjeve, por nga trajtimi teknologjik i tyre do të përfitohet edhe energji e gjelbër. Në fazën e shfrytëzimit është parashikuar të prodhohet rreth 17 250 MWh energji në vit. Projekti i kushton rëndësi të posaçme, përmbushjes së kërkesave teknologjike dhe mjedisore sipas standardeve europiane.
Impianti do të ketë në përdorim një teknologji bashkëkohore, që siguron shmangien e çdo ndikimi negativ në mjedis.
Sipas drejtuesit të projektit, Ernesto Granelli, falë kësaj teknologjie që siguron djegie në 360 gradë, në impiant mund të trajtohen edhe mbetje spitalore. Po ashtu, projekti parashikon edhe krijimin e një brezi të gjelbëruar përreth digës.
Projekti vlerësohet të sjellë ndikim edhe në ekonominë lokale. Nga përpunimi i mbetjeve parashikohet të sigurohen rreth 400 tonë skrap dhe plastikë në vit, prej të cilave vlerësohet të gjenerohet një e ardhur vjetore prej 90 mijë euro./ATSH/

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës në 2025-ën

24 Nëntor, 08:24