POP 5

Lajmet më të lexuara të 5 minutave të fundit

Arkiva

Incident në konferencën Merkel-Sisi
Gazetarja slogan: "Puç në Egjipt"

Vizita e Abdulfettah es-Sisi, i cili ka ardhur në detyrën e presidentit me grusht shteti në Egjipt është pritur me protesta në Berlin, por ka patur edhe përfaqësues të medias që kanë hedhur slogane kundër tij
Vizita e Abdulfettah es-Sisi, i cili ka ardhur në detyrën e presidentit me grusht shteti në Egjipt është pritur me protesta në Berlin, por ka patur edhe përfaqësues të medias që kanë hedhur slogane kundër tij, raporton Anadolu Agency (AA).

Qindra persona të mbledhur në Berlin kanë protestuar para ndërtesës së qeverisë gjatë takimit të Sisit me Kancelaren gjermane, Angela Merkel. Pas largimit të Sisit nga ndërtesa grupi i protestuesve pasi ka pritur një kohë ka marshuar deri në ambasadën egjiptiane në Berlin

Sisi, ndaj të cilit është protestuar në çdo takim që ai ka kryer, gjithashtu ka hasur edhe me reagimin e një gazetareje të re në fund të konferencës së përbashkët për shtyp me Merkel.

Gaetarja Fagr Eladly, e cila kërkoi ti bënte një pyetje gjatë kohës kur Merkel dhe Sisi po largoheshin nga podiumi, pasi nuk u lejua të bënte pyetjen gazetarja hodhi sloganin "Ai është një vrasës" dhe bëri shenjën "Rabia".

Ndërsa protestuesit gjatë kësaj kohe kanë mbajtur në duar pankarta me mbishkrimet "Jo gjeneral Sisit", "Sisi është vrasës", "Puçi në Egjipt është puç ndaj demokracisë" dhe më pas kanë hapur një pankartë ku shkruhej "Jo vizitës së diktatorit në Berlin".

Mes protestuesve ka patur edhe turq të cilët kanë brohoritu me slogane "Faleminderit Turqi, Faleminderit Erdoğan", "Sisi vrasës fëmijësh" dhe "fëmijët tanë duan të jetojnë, Merkel pse nuk shpreh asnjë gjë?".

Në protestë disa protestues mbanin në duar fotografinë e Muhammed Mursit, presidentit të parë të zgjedhur me votë në Egjipt dhe flamujt e Turqisë e të Egjiptit, disa të tjerë kanë mbajtur në qafë litarët në formë laku për të tërhequr vëmendjen për dënimet me vdekje në Egjipt.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

VIDEO/ Futbollisti shqiptar në histori, i shënon PSG-së pas vetëm tre minutave lojë! Kupa e Francës sjell çudira

VIDEO/ Futbollisti shqiptar në histori, i shënon PSG-së pas vetëm tre minutave lojë! Kupa e Francës sjell çudira

16 Janar, 09:44