POP 5

Lajmet më të lexuara të 5 minutave të fundit

Opinion

Zaloshnja: Inflacioni është dramë për shumicën, papunësia tragjedi për një pakicë

Inflacioni, ose rritja e çmimit mesatar të shportës së produkteve dhe shërbimeve që konsumon popullsia, ndodh kur kërkesa për to është më e madhe se sa oferta.

Zaloshnja: Inflacioni është dramë për shumicën, papunësia tragjedi për një pakicë

Inflacioni, ose rritja e çmimit mesatar të shportës së produkteve dhe shërbimeve që konsumon popullsia, ndodh kur kërkesa për to është më e madhe se sa oferta. Nivele të larta të tij evidentohen kur rriten paratë në qarkullim (si rrjedhojë, rritet kërkesa për mallra e shërbime), kur ka pengesa/çrregullime në sistemin e furnizimit me mallra e shërbime (si rrjedhojë, kostoja u rritet dhe ofrohen me çmime më të larta në treg), ose kur ka një ndërthurje të këtyre dy faktorëve.

Papunësia, ose pamundësia për të gjetur punë e një pjese të popullsisë që kërkon vende pune, arrin nivele të larta kur Prodhimi i Brendshëm Bruto tkurret. Kjo ndodh kur disa biznese falimentojnë dhe shumë të tjera pakësojnë prodhimin dhe fuqinë e tyre puntore.

Kur rritja vjetore e çmimit mesatar të shportës së produkteve dhe shërbimeve që konsumon popullsia arrin 10%, p.sh., dhimbjen e ndjen rreth 90% e popullsisë; 10-përqindëshi i super të pasurve nuk ndjen gjë, se shpenzon vetëm një pjesë të vogël të të ardhurave për konsum të përditshëm.

Kur papunësia arrin nivelin 10%, p.sh., dhimbjen e ndjen vetëm 10% e popullsisë – madje për këtë pjesë është tragjedi. Por ndërkohë, 90-shi tjetër i popullsisë vazhdon konsumin si më parë…

Për këtë arsye, inflacioni konsiderohet si një killer elektoral për partitë në pushtet. Kështu, partia e Presidentit Biden pritet të pësojë disfatë në zgjedhjet kongresuale (pas 50 ditësh), edhe pse papunësia është në nivele të ulta rekord (3.7%) dhe Biden ka nënshkruar dy inisiativa të rëndësishme financiare, tejet të mirëpritura nga publiku i gjerë (Inflacioni vjetor arriti 8.3% në gusht, niveli më i lartë në 40 vjet në SHBA).

Në Shqipëri, sipas INSTAT-it, inflacioni vjetor arriti 8% në gusht. Dhe pritet të rritet edhe më, me rritjen e çmimit mesatar të energjisë elektrike për shumicën e familjeve gjatë muajve të ftohtë të dimrit. Dhe me rritjen edhe më tej të inflacionit, do të rritet edhe më tej pakënaqsia e 90% të popullsisë që e ndjen dhimbjen e inflacionit. Se sa kjo pakënaqësi do të përkthehet në dezertim të elektroratit socialist në zgjedhjet lokale pas 200 ditësh mbetet të shihet…

SI.E./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46