POP 5

Lajmet më të lexuara të 5 minutave të fundit

Ekonomi

Inflacioni në korrik sipas EUROSTAT ishte 2.5%, u shtrenjtuan shërbimet arsimore dhe ushqimet

Çmimet në Shqipëri u rritën me 2.5% në muajin korrik sipas metodës së Eurostat, ndërsa sipas INSTAT rritja e çmimeve muajin e kaluar ishte 2.1%

Inflacioni në korrik sipas EUROSTAT ishte 2.5%, u shtrenjtuan shërbimet arsimore dhe ushqimet

Foto ilustruese

Çmimet në Shqipëri u rritën me 2.5% në muajin korrik sipas metodës së Eurostat, ndërsa sipas INSTAT rritja e çmimeve muajin e kaluar ishte 2.1%.

Shërbimi arsimor dhe ushqimet kanë pasur kontributin më të madh në rritjen e inflacionit, në raport me vitin e kaluar.

Me këtë inflacion Shqipëria renditet në vendin e 18 nga 31 shtete për nivelin e lartë të çmimeve.

Finlanda është shteti me çmimet më të ulta, ndërsa Rumania kryeson me më të lartat.

“Rritja më e madhe e çmimeve prej 4,1 % vërehet në grupin “Shërbimi arsimor”, pasuar nga grupet “Ushqime dhe pije joalkoolike” me 3,6 %, “Pije alkoolike dhe duhan” me 3,0 %, “Veshje dhe këpucë” me 2,7 %, “Mobilim, pajisje shtëpie dhe mirëmbajtje” me 2,4 %, “Mallra dhe shërbime të ndryshme” me 2,3 %, “Shëndeti” dhe “Hotele, kafene dhe restorante” me 2,1 % secili, “Qira, ujë, lëndë djegëse dhe energji” me 1,8 %, “Argëtim dhe kulturë” me 1,3 %, “Transporti” dhe “Komunikimi” me 0,3 % secili. Në muajin Korrik 2024, ndryshimi mujor i matur nga Indeksi i Harmonizuar i Çmimeve të Konsumit është -0,2 %. Ky ndryshim është ndikuar kryesisht nga ulja e çmimeve të grupeve “Ushqime dhe pijejoalkoolike” dhe “Argëtim dhe kulturë” me 0,7 % secili. Nga ana tjetër, çmimet e grupeve “Pijealkoolike dhe duhan” dhe “Mobilim, pajisje shtëpie dhe mirëmbajtje” u rritën me 0,4 %secili, pasuar nga grupet “Veshje dhe këpucë”, “Shërbimi arsimor” dhe “Hotele, kafene dhe restorante” me 0,3%secili, “Komunikimi” dhe “Mallra dhe shërbime”, thuhet në raport.

Raporti PDF i Instat për Indeksin e Harmonizuar të Çmimeve të Konsumit

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia ia refuzon Sveçlës kërkesën për vizitë në Luginë

Serbia ia refuzon Sveçlës kërkesën për vizitë në Luginë

25 Dhjetor, 13:52