POP 5

Lajmet më të lexuara të 5 minutave të fundit

Ekonomi

Inflacioni në vend 6.6%, shtrenjtohet nafta e ushqimet! INSTAT: Ndër 5 vendet me rritjen më të ulët të çmimeve në Evropë

Inflacioni në vend po arrin në shifra rekord, i ndikuar nga shtrenjtimi i karburantit, energjisë dhe ushqimeve. Sipas matjeve të Eurostat në qershor inflacioni i Shqipërisë ishte 6.6%, që është niveli i 5 më i ulët në Evropë. Sipas raportit Estonia zë vendin e parë për inflacionin kurse Zvicra renditet në vend të fundit.

Shtrenjtimi i karburantit, energjisë dhe i ushqimeve në tërësi po shton dita ditës kostot për xhepin e qytetarëve. INSTAT thotë se inflacioni në muajin qershor i matur sipas metodës ndërkombëtare të Eurostat, ishte 6.6% nga 2.1% që ishte vjet.

Pavarësisht çmimeve në rritje, nga matjet e kryera me metodën e Eurostat, Shqipëria klasifikohet tek 5 vendet që kanë inflacionin më të ulët në Evropë.

Konkretisht në muajin qershor inflacioni në Evropë arriti në 9.6% që janë shifra rekord që rezultat direkt i luftës në Ukrainë. Estonia dhe Lituania janë dy shtetet ku produktet kanë pësuar shtrenjtimin më të madh ku inflacioni ka rezultuar përkatësisht në 22% dhe 20%.

Mes 31 shtetesh të listuara në raport, Shqipëria renditet në vendin e 27-të për nivelin e inflacionit, dhe më pas vjen Franca, Malta, Islanda dhe Zvicra me inflacionin më të ulët. Rritja më e lartë e çmimeve është regjistruar tek grupi i transportit me 15%, ndjekur nga “Ushqimet dhe pije joalkoolike” me 11,1 %, dhe “Qira, ujë, lëndë djegëse dhe energji” me 4,5 %. Brenda grupit të ushqimeve vajrat dhe yndyrat kanë pasur shtrenjtimin më të madh me 30.9%, ndjekur nga buka dhe drithërat me 18.8% dhe bulmeti me 18.7%.

Këto janë tre grupet që kanë luhatjen më të lartë në çmime, në këtë krizë inflacioni që ka përfshirë Evropën dhe më gjerë, pasi lufta ka tronditur tregjet si pasojë e pozitave dominuese që kanë Rusia, Ukraina e Bjellorusia në produkte si karburanti, drithërat e vaji.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Takimi mes Trump dhe Putin, ja shteti që është gati të presë dy liderët

Takimi mes Trump dhe Putin, ja shteti që është gati të presë dy liderët

13 Janar, 08:20