Infrastruktura rrugore u bë objekt diskutimesh dhe debatesh në mbledhjen e radhës të Këshillit Bashkiak të Lezhës. Përfaqësuesja e Partisë Demokratike Alfrida Marku, akuzoi Bashkinë se nuk ka parashikuar asnjë projekt në rruge në 6 njësi administrative, duke i diskriminuar ato.
Kryebashkiaku i Lezhës Pjerin Ndreu i mohoi pretendimet e opozitës, duke deklaruar se nuk mund të ndërhyhet në rrugë pa realizuar projektet e kanalizimeve dhe ujësjellësve, investime që pritet të nisin së shpejti.
Objekt debatesh u bë dhe tenderi më u fundit i Bashkisë Lezhë për karburantin i cili kap vlerën e 62 milion lekeve.
Me buxhetin e këtij viti Bashkia Lezhë ka parashikuar mbi 5.3 miliard lek investime në infrastrukturën rrugore e zonave rurale, ku sipas saj janë dhe problematikat më të mëdha.