Ish deputeti heq dorë nga shpërblimi 2.5 milionë lekë: I gjithë aktiviteti im ishte dhe mbeti vullnetar

Ish-deputeti Erion Piciri

Erion Piciri, i cili për një periudhë më shumë se 2-vjeçare ishte deputet i Kuvendit, ka bërë me dije se sot ka përmbyllur me këtë institucion, edhe marrëdhënien financiare.  Vetë Piciri, përmes një postimi në rrjetet sociale, shprehet se ka hequr dorë nga përfitimet financiare prej 25 milion lekësh të vjetra, që ligji ua jep si shpërblim ish-deputetëve për një periudhë deri 3 vjeçare.

Ai thekson se gjithë aktiviteti i tij pranë këtij institucioni ishte dhe mbeti vullnetar, duke i lënë buxhetit të shtetit mbi 100 milion lekë të vjetra për ndihmat e tërmetit, biznesit dhe pandemisë.

“Mbyllja e një kapitulli, hapja e një të riu. Sot përmbylla marrëdhëniet me Kuvendin e Shqipërisë, me heqjen dorë nga përfitimet financiare prej 25 milion lekësh të vjetra, që ligji ua jep si shpërblim ish-deputetëve për një periudhë deri 3 vjeçare. I gjithë aktiviteti im pranë këtij institucioni ishte dhe mbeti vullnetar, duke i lënë buxhetit të shtetit mbi 100 milion lekë të vjetra për ndihmat e tërmetit, biznesit dhe pandemisë. Nga sot më i lirë, filloj të mendoj për rikthimin në botën universitare dhe angazhimeve të tjera në hapësirën publike”, shkruan ish-deputeti Erion Piciri.

Erion Piciri mori mandatin e deputetit nga lista e PD pasi Partia Demokratike dhe LSI lanë mandatet në Kuvend. 

K.T./Shqiptarja.com
  • Sondazhi i ditës:

    Ju duket e drejtë që studentët e pavaksinuar të humbasin vitin akademik?

Komento

Komente

  • Luan: 20/09/2021 15:59

    Bravo

    Përgjigju
    • Vicidoli: 20/09/2021 16:40

      Rrnofte Birisha



×

Lajmi i fundit

John

Zgjedhjet në Maqedoninë e Veriut, 32 komuna tashmë me kryetar, 42 komuna do të ketë raund të dytë më 31 tetor! Kryeson opozita maqedonase