Ish-bashkëshortja e Dani Alves: Nuk e kisha imagjinuar kurrë , është një tronditje për mua dhe fëmijët

Arrestimi i Dani Alves me akuzën për përdhunim ka shkaktuar një "tërmet" në shumë nivele, nga futbolli në politikë teksa ka sjellë një mori reagimesh. Natyrisht që për këtë histori është prekur edhe familja e tij.

Ish-gruaja e Alves dhe nëna e fëmijëve të tij, Dana Dinorah, ka rrëfyer se nuk është një situatë e lehtë për askënd që e ka njohur Alves dhe ka mbrojtur ish-partnerin e saj.

"Unë nuk kam folur me atë. E di që ai është i trishtuar, por ai është mirë dhe unë do të bëj gjithçka që duhet për ta ndihmuar", tha Dinorah për Telecinco.

LEXO EDHE:
Pesha e viteve, Rafael Nadal eliminohet nga turneu i Barcelonës

Më pas ish-bashkëshortja e Alves ka treguar se beson në pafajësinë e tij.

“Është një tronditje dhe për fëmijët e mi, të cilët janë adoleshentë dhe e kanë shumë të vështirë. Familja e tij është e mbingarkuar sepse duan ta shohin dhe nuk mund të hyjnë në takim. Avokati më thotë se është duke punuar për këtë çështje", tha Dana.

Përveç kësaj, ish-bashkëshortja e tij është treguar e bindur për pafajësinë e futbollistit, të cilit i është ndërprerë kontrata nga klubi meksikan Pumas.

S.DH/Shqiptarja.com

TAG:
• Dani Alves
• Barcelonë
• Dana Dinorah