Ish-kryebashkiaku i Kukësit Safet Gjici i është drejtuar Gjykatës së Elbasanit me kërkesën për t’u liruar nga burgu për arsye shëndetësore.
Por megjithatë seanca e nisur në orën 10:00, u ndërpre pasi gjyqtarja deklaroi se ka pasaktësi në dokumentacion për vendndodhjen. Gjici ndodhet në burgun e Kosovës së Madhe, në Lushnjë. Ndërkohë sipas Gjykatës, në bazë të shkresave zyrtare, Safet Gjici rezulton se ndodhet në Durrës.
Pas saktësimeve, seanca rinisi pasdite. Avokatët mbështetën kërkesën e tyre në nenin 59/a pika c e Kodit Penal sipas të cilit, për dënime të mbetura nën dy vite mund të lejohet qëndrimi në shtëpi për shkaqe shëndetësore.
Pak më parë (rreth orës 14:00), ka përfunduar edhe seanca gjyqësore për kërkesën e depozituar nga ish-kryebashkiaku i dënuar i Kukësit, Safet Gjici, në Gjykatën e Shkallës së Parë Elbasan.
Pala mbrojtëse ka pretenduar sot (14 Tetor) se Gjici deri më tani ka kryer 2 vite burgim, nga 3 vite totale, ku pjesën e mbetur të dënimit kërkohet që ta kryejë në banesën e tij.
Arsyeja mbetet ajo shëndetësore, ku ish-kryebashkiaku, për shkak dhe të gjendjes së tij të rënduar psikologjike, është rënduar dhe aktualisht është diagnostikuar me zgjerim të aortës, probleme kadiovaskulare dhe diabet, një sëmundje ku i dënuari ka marrë mjekim dhe më parë, duke ju referuar dhe kartelave mjekësore, teksa stafi mjekësor i IEVP Lushnjë nuk mund t’ja japë në format e duhura.
Lidhur me këtë situatë, Gjykata ka kërkuar ekspertimin mjeko-ligjor për të vërtetuar sëmundjen e të dënuarit Gjici, duke marrë kartelat e tij para se të dënohej, në kohën e paraburgimit dhe në momentin kur ka qenë në IEVP Lushnjë. Gjithashtu gjykata ka kërkuar nga IEVP Lushnjë të shkruajë edhe një herë dinamikën e të dënuarit Gjici, me qëllim informacion më të saktë.
Prokuroria gjithashtu ka pranuar kërkesat e mbrojtjes, duke cituar përmbledhjen e sa më shumë informacioneve, lidhur me gjendjen e tij të rënduar shëndetësore, duke u shoqëruar me raporte shkencore.
Për t’u pajisur me këto prova, gjyqtarja Suela Lika ka vendosur që seanca e radhës të mbahet më datë 11 Nëntor 2024, në orën 13:00.
Ish-kryebashkiaku i Kukësit është dënuar me formë të prerë me 3 vite burgim, për “korrupsion pasiv”, pas skandalit seksual në zyrën e tij, i publikuar më shumë se një vit më parë.
Për çfarë akuzohet dhe përse u burgos ish kryebashkiaku i Kukësit?
Safet Gjici u arrestua më 24 qershor të vitit 2023, pas video-skandalit të regjistruar në zyrën e tij ku ai kryen marrëdhënie intime me një grua (Akma K).
Fillimisht më 7 shkurt të 2024 Gjykata e Posaçme e Shkallës së Parë për Korrupsionin dhe Krimin e Organizuar e dënoi Gjicin me dy vite burg. Por më 24 qershor të këtij viti Gykata e Posaçme e Apelit e hodhi poshtë vendimin e shkallës së parë për Safet Gjicin, dhe e dënoi përfundimisht me 4 vite e 6 muaj burg. Gjithashtu Gjicit iu hoq edhe e drejta për të ushtruar funksione publike për 5 vjet.
Më 11 shtator të muajit të kaluar Gjici la qelinë për shkak të gjendjes shëndetësore. Burime për Report Tv informuan se ai u shtrua në një spital privat në Tiranë për shkak se vuante nga një sëmundje e rëndë. Ndërkohë diagnoza e sëmundjes nuk u bë publike.
Komente
Lajme të tjera
-
Safet Gjici kërkon lirinë! Gjykata e Elbasanit do të ngrejë grup ekspertësh për të verifikuar gjendjen shëndetësore të ish-kryebashkiakut të shtruar në spital privat
11 Nëntor, 13:58
-
Akuzohen se morën para për provimet, Gjykata e Elbasanit: Arrestimi i pedagogëve i paligjshëm! Çështja i kalon SPAK
5 Nëntor, 13:03 -
Nuk dokumentoi mjekimin e një 26-vjeçari që u plagos me thikë, Gjykata e Elbasanit liron mjekun nga qelia! Cakton masën detyrim paraqitje, pezullohet edhe nga detyra
13 Tetor, 14:22 -
KËRKESA/ I dënuar me burg përjetë, Dritan Dajti hap gjyq të ri në Elbasan: Të mos njihet vendimi i Krimeve të Rënda, gjyqtarët nuk firmosën! Mungon urdhri i prokurorit
23 Shtator, 14:37 -
‘Afera me serbin Fazlliç, apartamente te Ulaj pa iu gjendur pagesat, banesë Gjicit por deklaroi 4 vite qira, e deri te Prendi që thyente çeqet e Malltezit! Emrat ‘VIP’ në dosjen 500 faqe ‘Partizani’
18 Shtator, 15:01
-
Vuan nga një sëmundje e rëndë, gjendja e ish-kryebashkiakut Safet Gjici paraqitet stabël!
12 Shtator, 12:02 -
I dënuar nga GJKKO, Safet Gjici lë qelinë dhe përfundon në spital! Vuan nga një sëmundje e rëndë
11 Shtator, 18:44 -
Kërkon lirimin nga burgu, Dritan Dajti i drejtohet me një tjetër kërkesë Gjykatës së Elbasanit
20 Gusht, 12:56 -
Përfundon epoka Gjici te Kukësi, përfaqësuesi i familjes: Prekëse të largohemi pas 12 vitesh! Prezantohen drejtuesit e rinj
13 Gusht, 17:07
-
Me aksione të dhuruara! Nesër prezantohet administratori i ri i Kukësit, trajneri dhe zv/trajneri (Emrat)
9 Gusht, 14:33 -
Jo shitje por dhurim, Report TV mëson administratorin e ri të FK Kukësit! Gjici synon rimarrjen e klubit
8 Gusht, 10:37
-
Dorëzohet familja Gjici! Shiten 100% të aksioneve, klubi i Kukësit me pronarë të rinj
7 Gusht, 09:40
Si qen ta kryej denimin!dhe drejtësia të mos ndikohet nga shteti.Ka shum të burgosur që janë të sëmurë,dhe nuk i nxjerr kush nga burgu.
PërgjigjuKy u dënua kot ra pre i një kurthi të ndyrë nga rivali i PD sepse kjo është parti e BABALES...në atë lloj kurthi shum nga këta që hiqen si të ndershëm do ta kishin bërë,shumica e politikanëve katundarë kanë lënë gratë dhe merren me kurva politike.
Përgjigju