POP 5

Lajmet më të lexuara të 5 minutave të fundit

Kronikë

Ish-polici i vrarë në Tiranë ishte punësuar në shtet, por merrte pagën pa shkuar asnjë ditë, nis hetimi

Hetimeve për vrasjen e ish policit Santjago Malko i shtohet edhe një tjetër dosje. Grupi hetimor po kryen procedurat për zbuluar sesi Malko kishte arritur të punësojnë në administratën shtetërore si inspektor pyjesh dhe ka marrë pagen mujore në llogari bankare prej janarit të këtij viti.

Prej rreth një viti, ish polici Santjago Malko i cili mbeti i vrarë më 27 Gusht, edhe pse nga policia po hetohej për disa ngjarje kriminale, kishte mundur të emërohej si Inspektor Pyjesh në zonën e Dajtit. Burime pranë grupit hetimor bëjnë me dije se paralelisht me hetimet që po kryen për të identifikuar atentatorët, një tjetër hetim i është shtuar edhe kësaj dosje. Hetimet po vijojnë për të parë edhe mënyrën se si Malko kishte mundur të punonte në administratë shtetërore.

Nga verifikimet ka rezultuar se që prej Janarit të ketij viti, ai nuk ishte paraqitur në punë, e ndërsa pagesat kryheshin normalisht në llogarinë e tij bankare. Nisur nga këto të dhëna, thanë burimet, po hetohet e gjithë praktika e ndjekur se si Malko ka mundur të punësohet në këtë institucion, pasi në administratën shtetërorë dëshmia e penalitetit është kriteri kryesorë dhe duhet të jetë e pastër ose që personi të jetë i rehabilituar.

Tre vite më parë, Santjago Malko u arrestua nga Policia e Tiranës, pasi u përfshi në një konflikt me dy vëllezërit Lashi, e në atë kohë hetimet zbuluan se shkak ishte një borxh prej tyre për shkak të basteve sportive.

26 vjeçari Santjago Malko u qëllua me breshëri plumbash teksa ishte duke lëvizur me mjetin e tij BMW. Ndonëse policia nuk ka identifikuar ende atentatorët, grupi hetimor është duke hetuar dy të dyshuar me iniciale D.A dhe L.D, e ndërsa vijojnë të jenë në pritje të përgjigjeve nga laboratori shkencor për armët dhe sendet e tjera të gjetura në makinën e djegur e që u përdor nga autorët, si dhe të dhënat nga tabulatet telefonike të celularit të viktimës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 09/09/2019 18:36

    Sa kohe do ju duhet shqiptareve te kuptojne qe ky vend nuk behet kurre?cfare duhet te ndodhe me teper qe te besohet se ne shqiperi nuk ka shtet?

    Përgjigju
  • shperthyesi: 09/09/2019 17:21

    e kuptoni sa te tille mund te kete ne sistem, dhe pastaj njerzit qe na duhen ikin ne Gjermani !! se normale, ne vend qe te paguhen mire profesionestet, doktoret, inhxinjeret por mbahen keta kriminelet, partiaket, hajdutat me rroga....

    Përgjigju
  • Emigranti: 09/09/2019 16:53

    Ky po që është zbulim. Shkoni shikoni sa vetë marin rrogën pa shkuar asnjë sekond në punë te ujësjellsi kavajë. Më rezulton që ka edhe emigrantë qe kur vijn në gusht marin dhe rrogën e gjith vitit (i duhet për të bërë pushimet). Mos boni sikur eshte gjë e re.

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shkup: Partitë shqiptare vazhdojnë përplasjet rreth Ligjit për gjuhët

Shkup: Partitë shqiptare vazhdojnë përplasjet rreth Ligjit për gjuhët

27 Dhjetor, 15:42