Grupi terrorist Shteti Islamik ka njoftuar se ka ekzekutuar punonjësin britanik të ndihmave David Haines. Grupi ka publikuar një video 2 minuta e gjysmë që tregon prerjen e kokës së David Haines.
 
44-vjeçari Haines u rrëmbye vitin e kaluar vetëm tre ditë pasi arriti në Siri për të punuar për një agjenci ndërkombëtare ndihmash.
 
Video e ekzekutimit e titulluar “Një mesazh për aleatët e Amerikës”, doli pasi familja e Haines publikoi një lutje publike për rrëmbyesit e tij që t’i kontaktonin ata.
 
Në video ekzekutuesi i mbuluar fajëson kryeministrin britanik David Cameron për bashkimin e forcave me Shtetet e Bashkuara kundër Shtetit Islamik.
 
David Haines 2
























Terroristi paralajmëron se vendimi do të tërheqë popullin britanik drejt një lufte tjetër të përgjashkshme dhe që nuk mund të fitohet. Kryeministri britanik David Cameron në një mesazh në Twitter  e cilësoi duke e quajtur vrasjen e David Hanes, një akt tërësisht të ligë.
 
Në Uashington, Shtëpia e Bardhë lëshoi një deklerarë nga presidenti Barack Obama që dënon vrasjen barbare. Obama tha se Shtetet e Bashkuara qëndrojnë përkrah mikut dhe aleatit të afërt në pikëllim dhe marrje vendimesh.
 
Militantët e Shtetit Islamik kanë ekzekutuar me prerje koke gjatë javëve të fundit gazetarët amerikan Jim Foley dhe Steven Sotloff. Grupi terrorist tha se amerikanët u vranë si hakmarrje për sulmet ajrore amerikane ndaj pozicioneve të tyre në Irak.

David Haines 3
































Redaksia Online
(g.f/shqiptarja.com)