TIRANE - Komisioni i Pavarur i Kualifikimit, me trupë gjykuese të përbërë nga Xhensila Pine, Brunilda Bekteshi dhe Suela Zhegu, në 25 korrik të këtij viti, vendosi të shkarkonte nga detyra drejtuesin e Prokurorisë së Rrethit Gjyqësor Përmet, Hysen Keta. Në vendimin e zbardhur ditët e fundit, thuhet se prokurori Hysen Keta nuk justifikon pasuritë, ndërsa ka kaluar me sukses dy testet e tjera, atë të figurës dhe aftësive profesionale.
Konkluzionet
-Për pasurinë e identifikuar me nr. 1, subjekti i rivlerësimit ka bërë deklarim të pamjaftueshëm në lidhje me vlerën reale të kostove të ndërtimit; nuk ka pasur aftësi financiare në shumën 3 016 117 lekë (sipas përllogaritjeve të kryera me çmimet e EKB-së), për të investuar në ndërtimin e kësaj pasurie të paluajtshme përgjatë viteve 1996 – 1998, si dhe për të përballuar shpenzimet familjare; nuk ka provuar me dokumentacion ligjor burimet e ligjshme nga ushtrimi i profesionit të avokatit; si dhe ka kryer deklarim të pasaktë të përfitimit të pasurinë truall.
-Për pasurinë e identifikuar me nr. 2, subjekti i rivlerësimit ka bërë deklarim të pamjaftueshëm në lidhje me vlerën reale të kostove të ndërtimit; nuk ka pasur aftësi financiare në shumën 266 137 lekë (sipas përllogaritjeve të kryera me çmimet e EKB-së), për të investuar në ndërtimin e kësaj pasurie të paluajtshme përgjatë viteve 1996 – 1998, si dhe për të përballuar shpenzimet familjare; ka kryer deklarim të pasaktë në lidhje me kohën e ndërtimit të kësaj pasurie; si dhe ka vepruar në kundërshtim me ligjin nr. 9049/2003, pasi nuk ka deklaruar shpenzime mbi 500 000 lekë, të bëra në vitet 2006, 2007 dhe 2008 për ndërtimin e kësaj pasurie.
-Në lidhje me gjendjen cash në lekë, të identifikuar me nr. 4 dhe 5, subjekti i rivlerësimit ka kryer deklarim të pasaktë. Për pasurinë e identifikuar me nr. 7, subjekti i rivlerësimit nuk ka pasur mundësi financiare në shumën 319 074 lekë në vitet 2005 dhe 2006, për të investuar në blerjen e kësaj pasurie/automjet, për shlyerjen e kredisë në vitet në vazhdim, si dhe për të përballuar shpenzimet e tjera familjare.
-Për pasurinë e identifikuar me nr. 16, subjekti i rivlerësimit nuk arriti të provojë bindshëm burimin e ligjshëm të pagesave të kryera për këstin e parë dhe të tretë të saj.
-Në lidhje me të ardhurat nga qiraja të pasqyruara në pikën nr. 17, subjekti ka kryer deklarim të pamjaftueshëm në deklaratën “Vetting”, mbi të ardhurat reale të përfituara nga qiraja e banesës së tij për vitet 2006 – 2007, të konfirmuara sipas transaksioneve bankare në shumën 2 713 725 lekë, krahasimisht me ato të deklaruara në deklaratën “Vetting”, në shumën 2 300 625 lekë; nuk provoi me dokumentacion justifikues ligjor, ligjshmërinë e burimit të të ardhurave nga qiraja për vitet 2006 dhe 2007, në shumën 2 713 725 lekë, dhe si pasojë subjekti ka bërë deklarim të pamjaftueshëm referuar paragrafit 3, të nenit 61, të ligjit nr. 84/2016, si dhe pikës 3, të nenit D, të Aneksit të Kushtetutës.
Lajme të tjera
-
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Rikthimi i Vetting-ut në polici, 33 drejtues ‘në sitën’ e AMP-së! Kreu i sindikatës së policisë: Ligji u jep të drejtën efektivëve ta shmangin filtrin
18 Qershor 2023, 16:27
-
E ‘harroi’ KLD-ja / Vetingu shkarkon Majlinda Andrean 6 vite pasi dënimit për korrupsion, ish anëtarja e Gjykatës së Lartë shpëtoi Metën dhe Mediun nga burgu
5 Qershor 2023, 17:17
-
KPA lë në fuqi vendimin e KPK-së për shkarkimin e gjyqtares së Apelit Nure Dreni
15 Mars 2023, 19:13 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Nënshkruhet marrëveshja Kosovë-Shqipëri për sistemin ligjor, Bushka: Historike! Rrustemi: Përvoja me Vettingun, e nevojshme për ne
21 Nëntor 2022, 12:22 -
Probleme me 3 shtyllat e vettingut, shkarkohet nga detyra gjyqtarja Ariana Caco! Pjesë e trupës gjykuese së procesit të 21 Janarit
7 Tetor 2022, 10:03 -
KPK e shkarkoi Gjovalin Përnocën, KPA lë në fuqi vendimin! Largohet nga detyra gjyqtari i Krimeve të Rënda
25 Korrik 2022, 21:49 -
U shkarkuan nga vetting-u, dhjetëra prokurorë e gjyqtarë “bëhen” avokatë
28 Maj 2022, 11:06
-
Biznesmeni Shkëlqim Fusha i dha 140 mijë euro hetuesit Emror Kasaj që e kishte marrë në pyetje për një dosje, rrëfimi befasues i prokurorit para Vetingut
18 Mars 2022, 14:20
