Ja sa kalori digjni në një minutë puthje...

Puthja është një  moment magjik dhe intim, por sipas ekspertëve të bën mirë  edhe për shëndetin. Sipas disa studiuesve, gratë që puthen shpesh, humbasin peshë shpejt. Ky akt është një kurë e vërtetë për shëndetin tonë.Puthja mund të sjellë përfitime fizike dhe mendore për të gjithë ne. Sipas disa shkencëtarëve procesi i puthjes djeg dhjamin si pasojë e kalorive që harxhohen në këtë gjë që etiketohet si një aktivitet fizik normal.

Puthjet e thjeshta mund të djegin nga 2-3 kalori, ndërsa ata që puthin me pasion mund të djegin nga 5 në 26 kalori në minutë. Këto mund të duken vetëm si numra derisa ato të krahasohen me aktivitete praktike.

Për shembull, 30 minuta puthje të pasionuara mund të djegin deri në 180 kalori, përkatësisht  30 minuta ecje të lehtë. Nuk po flasim për zëvendësimin e aktivitetit fizik me puthje, por ne mund të themi me siguri se e puthura ndonjëherë mund të jetë më e këndshme se çdo aktivitet tjetër fizik.

Shumë herë na është thënë që të qëndrojmë në formë duhet të bëjmë aktivitete dhe me sa duket kur ne puthim dikë, ne stimulojmë muskujt e fytyrës që mbajnë faqet të qëndrueshme dhe të përshtatshme.

Në të vërtetë, duke puthur ne stimulojmë më shumë se 30 muskuj të fytyrës, duke mbajtur fytyrën tonë në trajnim duke parandaluar formimin e rrudhave, përmes një procesi që nxit qarkullimin e gjakut duke gjeneruar kolagjenin, i cili është thelbësor për ndërtimin e lëkurës.Puthjet gjithashtu lehtësojnë stresin duke reduktuar nivelet e kortizolit, një hormon i lidhur me stresin.

Hulumtuesit kanë treguar se ky aktivitet rrit nivelet e kimikateve natyrore në trupin tonë, si oksitocina (një agjent i natyrshëm qetësues) dhe endorfina (kimikatet që na bëjnë të ndihemi të lumtur). Nga pikëpamja e higjienës dentare, nga ana tjetër, puthja rrit prodhimin e pështymës që natyrisht pastron bakteret dhe sipas disa dentistëve mund të riparojë dëmtime të vogla të smaltit. Kështu që puthuni sa më shumë të jetë e mundur sepse vetëm përfitime shpirtërore dhe fizike do të keni!

 

 

 

TAG:
• përfitimet
• ekspertet
• puthje
• djegie kalorish