Jacobson: Kosova vërtetoi se mund
të mbajë zgjedhje me standarde

Zgjedhjet e 8 Qershorit në Kosovë arritën standardet ndërkombëtare. Vlerësimi vjen nga ambasada amerikane në Prishtinë e cila, njëherësh pret bashkëpunimin e qeverisë së re të vendit në avancimin e aspiratave Euro-Atlantike të Kosovës.

Përmes një deklarate zyrtare për mediat të ambasadës amerikane, theksohet se referuar raporteve të vëzhguesve të kësaj ambasade, Kosova vërtetoi se është plotësisht e aftë që të mbajë zgjedhje korrekte dhe transparente të cilat përmbushin standardet ndërkombëtare.

“Mbesim të inkurajuar nga përpjekjet individuale për t’i shprehur të drejtat e tyre demokratike qoftë duke votuar për herë të parë apo duke e siguruar besueshmërinë e procesit. Fuqia e Kosovës qëndron në pjesëmarrjen dhe integrimin e plotë të të gjithë qytetarëve të Kosovës për të arritur një të ardhme më të begatë. Çmojmë punën e zellshme të autoriteteve Kosovare, shoqërisë civile, mediave dhe partive politike ku secili dha kontributin jetik për suksesin e djeshëm. Më me rëndësi, përgëzojmë qytetarët e Kosovës që vendi i tyre i ri vazhdon të marrë hapa dramatik për ta çuar më tej zhvillimin e saj demokratik dhe aspiratat Evropiane”, thuhet në njoftimin e ambasadës amerikane në Prishtinë. 

Më tej theksohet se “ambasada vlerëson punën e zellshme të OSCE, EULEX dhe KFOR të cilët siguruan që secili qytetarë të mund të votojë në zgjedhjet e sigurta. Gjithashtu, presim të shqyrtojmë raportin fillestar vlerësues të Misionit Vëzhgues Zgjedhorë të Bashkimit Evropian”.

Deklarata e plote e ambasades amerikane
Raportet e mediave dhe shoqërisë civile Kosovare, së bashku me raportet e ekipeve tona vëzhguese të ambasadës tregojnë që autoritetet Kosovare iu përgjigjën me përpikëri raporteve të kohëpaskohshme lidhur me parregullsi dhe manipulime të supozuar zgjedhore. Jemi duke i vëzhguar këto raporte nga afër dhe vazhdojmë të jemi të sigurt që KQZ, Policia e Kosovës dhe zyra e Prokurorit të Shtetit do të vazhdojnë partneritetin e tyre pozitiv për të siguruar që të gjitha incidentet janë hetuar rrënjësisht dhe janë zgjedhur sipas ligjeve Kosovare.

Ambasada vlerëson punën e zellshme të OSCE, EULEX dhe KFOR të cilët siguruan që secili qytetarë të mund të votojë në zgjedhjet e sigurta. Gjithashtu, presim të shqyrtojmë raportin fillestar vlerësues të Misionit Vëzhgues Zgjedhorë të Bashkimit Evropian.

Duke ndërtuar mbi suksesin e votimit të vitit të kaluar, zgjedhjet e djeshme edhe më tej vërtetuan se Kosova është plotësisht e aftë që të mbajë zgjedhje korrekte dhe transparente të cilat përmbushin standardet ndërkombëtare. Mbesim të inkurajuar nga përpjekjet individuale për ti shprehur të drejtat e tyre demokratike qoftë duke votuar për herë të parë apo duke e siguruar besueshmërinë e procesit. Fuqia e Kosovës qëndron në pjesëmarrjen dhe integrimin e plotë të të gjithë qytetarëve të Kosovës për të arritur një të ardhme më të begatë.

Çmojmë punën e zellshme të autoriteteve Kosovare, shoqërisë civile, mediave dhe partive politike ku secili dha kontributin jetik për suksesin e djeshëm. Më me rëndësi, përgëzojmë qytetarët e Kosovës që vendi i tyre i ri vazhdon të marrë hapa dramatik për ta çuar më tej zhvillimin e saj demokratik dhe aspiratat Evropiane.

Redaksia Online
(Gre.M/Shqiptarja.com)

TAG:
• kqz