Evi Kokalari ka shpërthyer me një reagim të fortë dhe ironik ndaj Sali Berishës, i cili një ditë më parë akuzoi kryeministrin Edi Rama se qëndron pas personave që kanë kërcënuar avokaten Adriana Kalaja në Facebook.

Duke e quajtur Partinë Demokratike një klloun, dhe Kalanë ‘Sude’. Kokalari thotë se njëjti person që kërcënoi Kalajan i ka dërguar mesazh edhe asaj, por ndryshe nga Berisha, ajo nuk e ka bërë publike dhe nuk ka akuzuar askënd.

“Këta të PD-së janë “clowns” komplet. Del Sali Berisha dhe jep deklaratë për shtyp se i kanë kërcënuar jetën Sudes, që ka prodhuar këto kohët e fundit. Sudet gjithmonë i kanë shërbyer Berishës, në fakt… ja ashtu, me mashtrime publikut, për të cilat do hidhet në gjyq (Sudja) së shpejti. Por ndërkohë, i njëjti person më dërgoi edhe mua mesazh duke më kërcënuar jetën, por as nuk e publikova dhe as nuk akuzova publikisht as Ramën dhe as Berishën. Berisha po prek limitin e keqardhjes dhe së shpejti do përfundojë në një element po aq grotesk sa ata që ka vërdallë. Jam pa fjalë!” shkruan Kokalari .

U.D/R.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera