POP 5

Lajmet më të lexuara të 5 minutave të fundit

Kultura

Java kulturore italiane/ 100 vjet nga udhëtimi i parë i Luigi Maria Ugolinit në Butrint, ribotohet libri 'Butrinti, Miti i Eneas'

“Butrinti, Miti i Eneas”, libri i arkeologut të njohur italian Luigi Maria Ugolini është ribotuar në shqip dhe anglisht, njëqind vjet pas udhëtimit të parë eksplorues  të tij në Shqipëri. Ky aktivitet vjen në kuadër të Javës Kulturore Italiane.

“Butrinti, Miti i Eneas, Gërmimet”, një vëllim me përmbledhje i zbulimit të sitit të mirënjohur nga arkeologu italian Luigi Maria Ugolini, është ribotuar nga Instituti Italian i Kulturës në bashkëpunim me Universitetin e Bolonjës.

Ribotimi i vëllimit vjen 100 vjet nga zbulimi i Parkut Kombëtar të Butrintit, një prej zonave më të rëndësishme të trashëgimisë sonë kulturore, arkeologjike, mjedisore dhe turistike të vendit nga arkeologu Ugolini.

“100 vjet nga ekspedita e Ugolinit në Shqipërinë e jugut vendosëm që me marrëveshje me Universitetin e Bolonjës të ribotonim në shqip dhe anglisht librin e vitit 1936 që lidhet me këtë udhëtim të tij. Libri ishte ripublikuar në 1999-ën sipas botimit të 1937. Vendosëm të propozonim të njëjtin tekst, por duke shtuar dhe parathënie që shpjegonin kontekstin. Rrugëtimi i 100 viteve të fundit ka shënjuar Shqipërinë dhe Italinë”, tha drejtori i Institutit Italian i Kulturës, Alessandro Ruggera. 

“Ugolini na ka lënë një trashëgimi. Pavarësisht përpjekjeve që janë bëre gjatë luftës së dytë botërore, nuk ja arritëm të ja kalojmë të paktëm nga pikëpamja vëllimore, asaj që kishte bërë Ugolini. Aoo që ka lënë Ugolini është rishqyrtuar dhe kemi 7 vëllimet e Butrintit të botuara”, tha arekeologu Neritan Ceka.

Ky aktivitet, vjen në vazhdën e dhjetëra të tillave që do organizohen në vend në kuadër të Javës Kulturore Italiane pjesë e javëve kulturore Ndërkombëtare që do të sjellin në vendin tonë traditat e 20 shteteve të ndryshme deri në nëntor.

“Butrinti. Miti i Eneas. Gërmimet” është një përmbledhje e misionit arkeologjik që Luigi Maria Ugolini udhëhoqi në Shqipëri gjatë viteve Njëzet dhe Tridhjetë të shekullit te XX. Libri është një dëshmi e gjallë historiko-letrare e zbulimit të Butrintit dhe një analizë e hollësishme e organizimit të qytetit antik dhe historisë së tij.

K.M/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?

Lajme të tjera



×

Lajmi i fundit

SPAK ankimon vendimin e Apelit të Posaçëm, kërkon dënimin me 4 vite burg të ish-kryebashkiakut të Lezhës Fran Frrokaj

SPAK ankimon vendimin e Apelit të Posaçëm, kërkon dënimin me 4 vite burg të ish-kryebashkiakut të Lezhës Fran Frrokaj

26 Qershor, 09:51 nga Keti Banushi