POP 5

Lajmet më të lexuara të 5 minutave të fundit

Sociale

Jeni dembel? Faji i gjeneve,
por mund të kurohet me ilaçe

Jeni dembelë? Për këtë mund ta kenë fajin gjenet tuaja dhe së shpejti mund të ketë edhe një pilulë që t’ju bëjë të luani vendit. Këtë propozon një studim nga shkencëtarë të Universitetit të Aberdeen dhe Akademisë Kineze të Shkencave.
PEKIN- Jeni dembelë dhe përtoni të lëvizni? Për këtë mund ta kenë fajin gjenet tuaja dhe së shpejti mund të ketë edhe një pilulë që t’ju bëjë të luani vendit. E gjitha kjo, pra dembelizmi ‘gjenetik’ shihet i lidhur dhe me atë që keni më shumë gjasë të shtoni në peshë dhe të zhvilloni probleme shëndetësore. 

Një studim nga shkencëtarë të Universitetit të Aberdeen dhe Akademisë Kineze të Shkencave lë të hapur mundësinë e mjekimit për të zvogëluar dembelizmin.

Kërkuesit krahasuan minj normalë me të tjerë që kishin mutacionin gjentik të lidhur me dembelizmin. Ata zbuluan se gjeni prodhon një proteinë, e cila luan rol vital në sistemin e dopaminës në tru, e cila rrit prirjen e njeriut për të duruar aktivitetin fizik. Minjtë me gjenin me mutacion kishin më pak nga ky lloj receptori i ‘dopaminës’ në sipërfaqe të qelizave të tyre të trurit. Receptorët e dopaminës kishin ngecur brenda qelizës, që do të thotë se procesi i sinjalizimit të tyre nuk funksiononte siç duhet, zbuluan shkencëtarët.
 
Për këtë u mendua se mund të ketë një kurim mjekësor dhe shkencëtarët besojnë se do të jenë në gjendje të prodhojnë një pilulë që do të luftojë dembelizmin. Kur minjtë e prekur nga dembelizmi u trajtuan me ilaçin që aktivizon receptorët e dopaminës, minjtë u bënë më aktivë dhe humbën peshë.

Udhëheqësi i studimit profesori Wei Li nga Instituti i Gjenetikës dhe Biologjisë Zhvilluese në Pekin tha se rezultatet mund të çojnë në një trajtim të mundshëm për njerëzit.
‘Ne zbuluam se minjtë që kishin këtë mutacion gjenetik ishin tipkë dembelë,’ tha ai. ‘Ata ecën vetëm pak si minj normalë dhe kur e bënin ecnin shumë më ngadalë.
Minjtë u shëndoshën dhe zhvilluan gjithashtu simptoma të ngjashme me ato të njerëzve, të quajtura sindroma metabolike – term mjekësor me një kombinim me faktorë rreziku që lidhen me diabetin, presionin e gjakut dhe obezitetin.’

Kërkuesit, puna e të cilëve është botuar në “PLOS Genetics”, gjithashtu vrojtuan 400 pacientë kinezë mbipeshë me sindrom metabolik dhe zbuluan se dy prej tyre kishin të njëjtin mutacion gjenetik. Shkencëtarët shpresojnë se në të ardhmen njerëzit me sindromin metabolik do të vrojtohen për të parë nëse kanë këtë mutacion. Në këtë rast atyre do t’ju ofrohet ilaç për kurim.

Profesori John Speakman i Universitetit të Aberdeen shtoi se ‘ka një njumër të madh njerëzish në botë që kanë këtë sindrom metabolik edhe pse vetëm një në 200 njerëz mund të ketë këtë mutacion ‘të rrallë’. Si rrjedhojë, njerëzit që vuajnë nga dembelizmi gjenetik që mund të trajtohen me këtë ilaç shkon në miliona pacientë”.
 
Redaksia Online
(b.g/shqiptarja.com)

/Shqiptarja.com
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Ministri Hasani në Kiev, takon presidentin Zelensky: Riafirmojnë angazhimin tonë për një partneritet të fortë

Ministri Hasani në Kiev, takon presidentin Zelensky: Riafirmojnë angazhimin tonë për një partneritet të fortë

18 Janar, 08:32