POP 5

Lajmet më të lexuara të 5 minutave të fundit

Sport

Jo shitje por dhurim, Report TV mëson administratorin e ri të FK Kukësit! Gjici synon rimarrjen e klubit

Report TV mëson se aksionet e klubit të Kukësit janë dhuruar për një periudhë të pacaktuar me kushtin për të mos u shitur. Familja Gjici, pas vështirësive që po kalon me ligjin, synon që në një të ardhme të afërt të rikthehet në krye të klubit.

Jo shitje por dhurim, Report TV mëson administratorin e ri të FK Kukësit! Gjici synon rimarrjen e klubit

Ish-presidenti i Kukësit Safet Gjici

Kukes- Pas 12 vitesh Klubi i Futbollit Kukësi nuk do të jetë më financimin e familjes Gjici. Deri më tani është raportuar për një shitje të aksioneve në masën 100%, por Report TV mëson se klubi i është dhuruar për një periudhë të pacaktuar një biznesmeni, profili i të cilit do mësohet zyrtarisht të shtunën kur Kukësi të mbajë një konferencë të posaçme për shtyp.

Gjithsesi përmes burimeve Report Tv mëson gjithashtu se administratori i ri do jetë biznesmeni Atilio Guranjaku dhe jo një lituanez siç është thënë më herët.

Kushti për përdorimin e klubit është që të mos e shesë, pasi familja Gjici në një të ardhme jo të largët kërkon të rikthehet si zotëruese e FK Kukësit. Enigmë për momentin qëndron fakti se çfarë biznesesh përfaqëson Atilio Guranjaku.

Vështirësitë e klubit të Kukësit nisën që prej arrestimit të ish-presidentit dhe kryetarit të bashkisë Safet Gjici, tashmë i dënuar të vuajë 3 vite burg. Nën udhëheqjen e Gjicit verilindorët patën edhe periudhën më të suksesshme në historinë e tyre.

Në 12 vite Kukësi arriti të fitonte 4 trofe, Superligën në sezonin 2016-2017, Superkupën e Shqipërisë në sezonin 2015-2016 dhe dy herë Kupën e Shqipërisë në sezonet 2015-2016 dhe 2018-2019. Për herë të parë që prej administrimit nga familja Gjici, sezonin e kaluar në 2023-2024, Kukësi zbriti në kategorinë e parë. Këtë sezon që nis, edhe pas ardhjes së drejtuesve të rinj, synon të rikthehet në elitën e futbollit shqiptar.

Ne.k./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ku po i kaloni pushimet e verës?

Lajme të tjera



×

Lajmi i fundit

‘Leje unike!’ Shërbime të reja në e-albania për punësimin e të huajve

‘Leje unike!’ Shërbime të reja në e-albania për punësimin e të huajve

8 Gusht, 17:09