TIRANË- Kafetë nga sot do duhet t'i pini në shtëpi, nën shoqërinë e familjarëve dhe jo miqve, apo personave të panjohur që i keni pasur ngjitur në tavolinë.
Një masë kjo e domosdoshme që është marrë nga qeveria, në "kohën" e koronavirusit, nisur edhe nga fakti se pavarësisht thirrjeve për të qëndruar në shtëpi, qytetarët nuk u bindën duke i mbushur plot e përplot, si një ditë të zakonshme.
Kafenetë në të gjithë vendin janë drejt mbylljeve, teksa pronarët e lokaleve kanë vendosur edhe njoftime me mesazhe nga më të ndryshmet për klientët e tyre, ku emërues të përbashkët kanë ftesën për bashkëpunim për të triumfuar në këtë betejë më armikun e padukshëm.
Në Shkodër, lokalet nisin ndërgjegjësimin. Pjesa më e madhe e tyre është mbyllur për shkak të koronavirusit. Në dyert e lokaleve janë vendosur edhe disa mesazhe për klientët, siç është rasti i një prej ku ndër të tjera shkruhet: Të mos tregohemi kryefortë, të mos tregohemi sa më shumë, për të mirën tonë, të familjarëve dhe të moshës së tretë që kemi në shtëpitë tona. Janë veç dy javë (shpresojmë jo më shumë) dhe do jetë ditë pushimi në shtëpitë tona afër familjeve, po ku ka më bukur! Ju rrokaputhim nga larg dhe ju urojmë sa më shumë shëndet, edhe kur të mbarojë kjo situatë, urojmë që të rrini kaq shumë me familjarët tuaj siç po rrini në terren.
Vlora i është "bindur" urdhrit të lëshuar ditën e djeshme nga kryeministri Edi Rama, duke mbyllur ditën e sotme të gjitha baret dhe restorantet.
Qytetarët e Vlorës do të pinë kafen e mëngjesit në shtëpi, si një masë parandaluese për t'u mbrojtur nga koronavirusi. Në dyert e lokaleve janë vendosur një njoftim, ku lajmërojnë qytetarët se do të qëndrojnë të mbyllur minimumi për dy javë, në varësi të situatës.
"Për shkak të situatës aktuale në lidhje me koronavirusin i njoftojmë klientët tanë, mbyllim lokalin të paktën deri në dy javë, por do e shikojmë në varësi të situatës. Duhet ta kalojmë të gjithë bashkë situatën duke kontribuuar. Ju faleminderit!", është mesazhi i një pronari lokali për klientët e tij.
Foto sot në Vlorë
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
