KARABURUN-Policia Kufitare dhe Delta Forcë kanë sekuestruar mbrëmjen e kësaj të mërkure në Karaburun 15 çanta, me 250 kg kanabis.
 
Informacione nga policia bëjnë të ditur se droga u zbulua në zonën e Gjirit të Bristanit në Karaburun, ndërkohë që po vazhdon kontrolli i territorit pasi mendohet të ketë sasi të tjera lëndë narkotike në pyll.
 
Sasia e drogës që është sekuestruar do të transportohej drejt Italisë me gomone pasi policia ka gjetur gjithashtu edhe 10 bidona benzinë që do të shërbenin për furnizim të mjetit.
 
Burime për Report Tv mësojnë se lënda është dërguar drejt Karaburunit me kafshë dhe se do trafikohej drejt Italisë. Policia po heton gjithashtu për identifikim dhe kapjen e autorëve posedues të kësaj lënde narkotike.


[gallery]20967[/gallery]


Redaksia Online
XH.K/Shqiptarja.com