TIRANË - Deputeti i opozitës së re parlamentare, Ligoraq Karamelo, ishte i vetmi nga kuvendi që votoi kundër dhurimit të 17 apartamenteve në varësi të Bashkisë së Tiranës, për familjet e prekura nga tërmeti shkatërrues i 26 nëntorit. Në një prononcim për Shqiptarja.com, Karamelo thotë se kjo votë kundër erdhi për shkak se sipas tij, ato janë banesa sociale që u hiqen të pastrehëve dhe u jepen të prekurve nga tërmeti. Deputeti Ligoraq Karamelo tha se këto apartamente nuk duhej të dhuroheshin pa ndryshuar më parë ligjin.
"Ai fond për familjet, dhurimi i apartamenteve është në shkelje të ligjit, është për propagandë. Sepse ato fonde janë të përcaktuara me ligj për të pastrehët dhe nuk mund të ndryshohet destinacioni i tyre pa ndryshuar ligjin. Ato familje që do jepen, kush i cakton kriteret? Kjo tregon që mund të bëhet ndryshimi i fondeve për një palë në kurriz të palës tjetër dhe kjo është e padrejtë. Edhe familjet e pastreha janë në hall dhe kanë problemet e tyre. Fondi që është për banesat sociale për të pastrehët nuk mund të jepet për të tjerët. E gjitha ishte thjesht një propagandë dhe zgjidhin një hall duke krijuar shqetësime të tjera. Zgjidhja e problemeve të tërmetit duhet të bëhet në tërësi dhe mbi bazën e një transparence të thellë. Duhej ndryshuar ligji që fondet që ka marrë qeverisja vendore për banesat sociale, dhe të përcaktohej edhe për situatë emergjence. Duhet të ishte përcaktuar mënyra si do të jepen dhe se kush do t'i marrë ato. Mund të jenë edhe me prapavijë politike, që mund të jepen sipas preferencave partiake që kanë", u shpreh Karamelo për Shqiptarja.com.
Deputeti thotë se edhe opozita e re parlamentare duhej të ishte pjesë e tryeza për situatën e jashtëzakonshme ku ndodhet vendi pas tërmetit që shënoi 51 viktima.
"Duhet të bëhej ç'është e mundur që në komisionin që ka ngritur për emergjencën duhej të kishte marrë pjesë edhe opozita parlamentare, ne jemi pjesë e atij parlamenti dhe e votimeve. Apo kur vjen puna për të realizuar synimet ne jemi të mirë, kur vjen puna për të kërkuar llogari ne bëhemi të këqij", shprehet Karamelo.
Këtë qëndrim të tijin, Karamelo thotë se e ka diskutuar edhe me kolegët e opozitës së re, apo ata votuan pro, "duke u bazuar më tepër me karakterin human të votimit".
Një ndër arsyet që deputeti thotë se e bëri të votojë kundër, është edhe gjuha që kryeministri Edi Rama përdori, duke i quajtur gërmadhë e tërmetit që ka pësuar Partia Demokratike.
"Unë u indinjova me faktin që desha t'i kundërpërgjigjesha kryeministrit për mënyrën si foli dhe si trajtoi opozitën. Unë votova kundër edhe për qëndrimin e kryeministrit, duke përdorur një gjuhë rrugacërie, na quajti gërmadhat e tërmetit që ka pësuar Partia Demokratike. Kjo mënyrë e të folurit nuk ishte korrekte", përfundoi Karamelo reagimin e tij për Shqiptarja.com.
Gjatë seancës të së enjtes, Kuvendi miratoi aktin normativ për dhurimin e 17 apartamenteve në pronësi të Bashkisë Tiranë në njësinë numër 1 për familjet e prekura nga tërmeti i 26 nëntorit, duke mbetur të pastreha për shkak të dëmtimit të banesave. Akti normativ u miratua me 112 vota pro. Kuvendi miratoi gjithashtu fondin në buzhetin e shtetit, prej 20 miliardë lekë, ku nga kjo vlerë, 13 miliardë janë lekë si transfertë nga të ardhurat buxhetore, dhe 7 miliardë janë të ardhura nga donacionet e ndryshme për të prekurit nga tërmeti.
Komente
Lajme të tjera
-
Pezullohet rindërtimi i shtëpive individuale në Lezhë! Tërhiqet kompania, shkak rritja e kostos së ndërtimit
14 Janar 2023, 18:12
-
Vizita e Mitsotakis në Himarë, ish kreu i OMONIA-s, Karamelo: Absurde të thuash se nuk ka minoritet grek! Të bëhet censusi i popullsisë
23 Dhjetor 2022, 14:04 -
Rusia ndalon diskutimet publike për strategjinë e ushtrisë, moralin e trupave dhe mobilizimin
1 Dhjetor 2022, 16:28 -
Ukraina: Rusia po përgatitet për valën e dytë të mobilizimit
30 Nëntor 2022, 19:49 -
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Putin urdhëron një pagesë prej 3,200 dollarë për ushtarët e mobilizuar dhe me kontratë
3 Nëntor 2022, 21:21 -
Kremlini thotë se nuk do të nxjerrë një dekret që i jep fund mobilizimit rus
1 Nëntor 2022, 15:29 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
-
Ish-deputeti Ligor Karamelo për Report Tv: Çështja çame nuk ekziston! Meta po bllokon çështjen e detit për interesat e tij personale
27 Maj 2022, 17:50
Karamelon dhe cfare perfaqeson nuk e njoh fare. Por eshte per tu pergezuar per qendrimin qe mbajti. Mos harroni o njerez qe demagoget me parate tona bejne bamiresi sa te duan. Por kur I jepet njerit, i hiqen tjetrit.
Përgjigju