POP 5

Lajmet më të lexuara të 5 minutave të fundit

Sociale

Karkaleci po shkatërron prodhimet bujqësore në Myzeqe, fermerët: S’ka efekt spërkatja! 799 hektarë tokë të infektuara

Prania e karkalecit në kulturat bujqësore në zonën e Myzeqesë është kthyer në një shqetësim për fermerët. Insekti që shkatërron prodhimet bujqësore,  po përhapet me shpejtësi, ndërkohë që asnjë preparat kimik nuk ka bërë efekt

Prania e karkalecit në kulturat bujqësore në zonën e Myzeqesë është kthyer në një shqetësim për fermerët. Insekti që shkatërron prodhimet bujqësore,  po përhapet me shpejtësi, ndërkohë që asnjë preparat kimik nuk ka bërë efekt.

Mundi i një sezoni, fermerëve të Myzeqesë po ju shkon dëm. Karkaleci i tokës po dëmton shumë të mbjellat në të gjithë zonën, Ndërkohë që po përhapet me shpejtësi në të gjitha kulturat.

Pas 2 vatrave në fshatin Sobos dhe në Tërbuf, një zonë e re është infektuar ne tokat e Savrës.

“Karkaleci na ka dëmtuar jonxhën, domatet, të gjitha. Dhe vjet ishte i shumtë. Edhe vjet 3 lloje karkalecash.. Nuk po nxjerrim asgjë nga ato që kemi mbjell. Po i han të gjitha karkaleci. Kisha mbjellë dhe bizele dhe mi ka ngrënë të gjitha. Nuk luftohet vetëm me një vend. Duhet luftuar në mënyrë të përgjithshme. Kemi bërë spërkatje, djegie. 3 vjet ka ky problem që ne nuk po na lë”, tha një fermer i Myzeqesë.

Edhe pse fermerët kanë kryer spërkatjen me preparate kimike, efekti thonë ato është i papërfillshëm.

“Karkaleci filloi i vogël. Ka filluar të bëhet më i madhe dhe ka filluar të shtohet. Jonxhën, perimet e misrin ka dëmtuar. Kur bëhet i madh nuk ka gjë që e dëmton. U detyruam që jonxhën ta korrim. Ky problem, është viti i tretë që është përhapur në masë”, tha një tjetër fermer.

Kjo problematikë ka tre vite që është kthyer në një problem për fermerët e Myzeqesë dhe sipas informacioneve të marra pranë drejtorisë rajonale të bujqësisë Lushnje, aktualisht janë rreth 700 hektarë tokë të infektuara nga karkalecat.

Shqetësimin e fermerëve të zonës së Myzeqesë e solli në seancën e së enjtes në Kuvend edhe deputeti socialist Erion Braçe. Ai i kujtoi ministres së Bujqësisë Frida Krifca, se nuk ka bërë punën e saj teksa i kërkoi që të shikojë pozicionin e saj në raport me detyrën.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça