Karriera e suksesshme e Rita Orës
në sytë e mediave prestigjoze

Karriera shumëdimensionale e Rita Orës sigurisht që ka rënë në sy të mediave të huaja.

Prestigjozja “Daily Mail” ka shkruar një profil për karrierën e suksesshme të bukurisë me origjinë Kosovare.

Ajo është përshkruar në këtë shkrim si femra më e kualifikuar e biznesit në Britani. Rita Ora është sot një nga këngëtaret më të talentuara me mentor Jay Z.

Bota ka kthyer sytë nga Rita edhe për stilin e saj të veshjes duke e quajtur një “muzë” të fashionit.



Në janar të këtij viti erdhi edhe debuti i saj i parë në dizenjim për brandin prestigjoz “Adidas”.

Ndërkohë ajo ka qenë imazh i shumë markave të tjera lider si Calvin Klein, DKNY, Cavalli, Superga etj.

Por, Rita Ora shquhet edhe për marrëdhënit e reja shoqërore me emrat më të dashur e të sukseshëm të muzikës dhe jo vetëm në Britani si Cara Delevingne, Ellie Goulding, Harry Style, etj.

Rita, së katërti është ndër fytyrat më të bukura për fushata kozmetike.

Asaj nuk iu deshën shumë vite që të sillte edhe linjën e saj kozmetike Rimmel: Colourfest Lip and Nail Collection by Rita Ora.
Redaskia Online
(g.m/shqiptarja.com)