FT/ Japoni 1 - 1 Kroaci (Maeda 43' / Perisic 56')
Kroacia kalon në çerekfinale pas gjuajtjes së penalltive (1-3).
Kroacia kalon Japoninë dhe merr të drejtën për të luajtur në çerekfinalet e Kupës së Botës kundër Brazilit. Ballkanasit ishin me fat nga penalltitë, me portierin Livakovic që priti tre nga gjuajtjet e aziatikëve. Pas lojë së rregullt dhe 30 minutave shtesë në 1/8 e Kupës së Botës, ndeshja u mbyll në barazim 1-1. Skuadrat iu drejtuan "ruletës ruse", me Kroacinë që fitoi 1-3 nga penalltitë. Gardiani kroat, Livakovic ishte heroi i vërtetë i takimit, duke ndalur tre nga 11 metërshat e japonezëve. Minamino, Mitoma dhe Yoshida gabuan për aziatikët, teksa shënoi Asano. Te Kroacia shënuan Vlasic, Brozovic dhe Pasalic, teksa gaboi Livaja.
Ndeshja nisi në mesin e fushës, me skuadrat që kërkonin mos pësonin gol. Rasti më i mirë për Japoninë u shënua në minutën e 43, teksa pas një rrëmuje në zonë Maeda përfitoi dhe shënoi për aziatikët. Pjesa e parë u mbyll me këtë rezultat, teksa në të dytën dhe konkretisht në minutën e 56 Perisic barazoi me kokë për "Dalmatët". Pas 90 minutave loje të rregullt dhe 30 minutave shtesë, skuadrat u ndanë në paqe 1-1. Nga pika e bardhë e penalltive më të saktë u treguan kroatët, që i falen edhe pritjeve të Livakovic. Kroacia pret Brazilin në çerekfinale, me 'Selecaon' që nga ana e tyre fituan 4-1 me Korenë e Jugut.
VIDEO:
Rezultati i penalltive
Sulmuesi anësor i Kroacisë, Ivan Perisic ka shënuar 6 gola në Kupat e Botës. Ai bëhet lojtari i parë kroat që shënon në tre Kupa Bote, pasi më herët ka shënuar në 2014 dhe 2018. Gjithashtu ai ka 10 gola në kampionatet Botërore apo Europiane, më shumë se të gjithë lojtarët e Kroacisë marrë së bashku në këtë Kupë Bote. Perisic i bashkohet Ronaldos, Messit dhe Shaqirit që kanë shënuar në tre Kupa Bote.
56' / Japoni 1-1 Kroaci. Ivan Perisic ka vendos ekuilibrat në Katar për Kroacinë. Një krosim i Lovren nga e djathta e sulmit ka bërë që sulmuesi anësor i ballkanasve të shënojë me kokë për 1-1.
43' / Japoni 1-0 Kroaci. Maeda kalon në avantazh Japoninë pas asistit të Yoshida. Në minutën e 43 të ndeshjes, një rrëmujë në zonë ka bërë që sulmuesi japonez të kalojë të tijtë në epërsi.
Tifozja e famshme e Kroacisë, ish-missi Ivana Knoll është një nga personazhet më të përfolura në Kupën e Botës në Katar. Zeshkanja bukuroshe tërhoqi sërish vëmendjen me paraqitjen e saj në stadiumin “Al Janub”, ku do të mbështesë Kroacinë përballë Japonisë në përballjen e 1/8 të Kupës së Botës. Këtë herë nuk kanë qenë vetëm meshkujt që kanë dashur një foto me të. Vajzat arabe dhe ato japoneze kanë rendur pas Knoll, me këtë të fundit që ra në sy për veshjet provokuese në këtë Botëror. Kujtojmë se në Katar vendosën një kod të veçantë për veshjen, teksa alkooli u ndalua në stadium dhe rreth impianteve moderne.
Lajme të tjera
-
Lionel Messi: Një vit nga 'çmenduria' më e bukur e karrierës sime
19 Dhjetor 2023, 08:43 -
7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord
15 Dhjetor 2023, 16:53 -
FOTO/ I veshi në Kupën e Botës, fanellat e Lionel Messit kapin çmimin e 'çmendur' në ankand
30 Nëntor 2023, 18:07 -
Angel Di Maria tërhiqet nga Argjentina
24 Nëntor 2023, 16:54 -
VIDEO/Argjentina mposht Brazilin në një ndeshje ku shpërtheu dhunë mes tifozëve
22 Nëntor 2023, 08:46 -
Australia tërhiqet nga gara, Kupa e Botës 2034 shkon në Arabinë Saudite
31 Tetor 2023, 12:56 -
115 mijë vende dhe me vlerë 459 milionë euro, stadiumi spektakolar që do ndërtohet për Kupën e Botës 2030
27 Tetor 2023, 10:58 -
Rama: Shqipëria mbështet Arabinë Saudite për organizimin e Kupës së Botës 2034
6 Tetor 2023, 22:16 -
Stadiumi mitik spanjoll mirëpret finalen e Kupës së Botës 2030
6 Tetor 2023, 15:39 -
Ndodh për herë të parë, Botërori 2030 do zhvillohet në 3 kontinente! Udhëtime 20 mijë km për skuadrat
4 Tetor 2023, 21:45 -
Unike/ Maroku, Spanja dhe Portugalia presin Kupën e Botës 2030! Tre ndeshje luhen në Amerikën e Jugut
4 Tetor 2023, 17:26 -
Kupa e Botës 2022/ Urdhër arresti kundër Mohamed Bin Hammam, njeriu kyç për zgjedhjen e Katarit dhe akuzat për korrupsion në FIFA
26 Shtator 2023, 13:26
