FT/ Kroaci 2 - 1 Marok (Gvardiol 7', Orsic 42' / Dari 9')
Kroacia fitoi 2-1 me Marokut dhe renditet kështu e treta në Botërorin e Katarit duke marrë medaljen e bronztë "Finalja e vogël" e edicionit është fituar nga ballkanasit, që iu falën golave të Gvardiol dhe Orsic në pjesën e parë. Edhe Maroku shënoi në 45 minutat e para me Dari. Tanimë kroatët ngjiten në podiumin e "Katar 2022" duke arkëtuar nga FIFA 26 milionë euro për këtë sukses.
Ndeshja nisi mirë për ballkanasit që shënuan me Gvardiol pas vetëm 7 minutave lojë. Një skemë model dhe një aksion i zhvilluar bukur nga Kroacia bëri që Perisic të asistonte bukur për Gvardiol, me mbrojtësin që shënoi me kokë pas një fluturimi nga 11 metra largësi. Afrikanët nuk u demoralizuan pas këtij goli, duke barazuar ndeshjen pas vetëm dy minutave lojë me Dari. Një krosim nga e djathta e sulmit bëri që mbrojtja e Kroacisë mos ishte e vendosur mirë, me Achraf Dari që barazoi po me kokë. Fundi i 45 minutave të para rezultoi deçiziv për këtë ndeshje, me Orsic që shënoi për 2-1.
Asisti i Livaja bëri që kroati Orsic të gjente golin e dytë në minutën e 42. Goditja e bukur e kroatit përfundoi në rrjetë, për një nga golat më të bukur të Botërorit. Në 45 minutat e dyta, paçka sulmeve të ndryshme ndeshja përfundoi 2-1, me kroatët që arkëtojnë 26 milionë euro për këtë sukses. Kështu finalja e vendit të tretë dhe të katërt flet për Kroacinë, teksa bota e futbollit tanimë pret ndeshjen e nesërme finale mes Argjentinës dhe Francës (16:00).
VIDEO:
Kroacia fitoi 2-1 me Marokun duke e mbyllur Botërorin 2022 si vendi i tretë në botë. Pas 90 minutave skuadra e Dalic iu drejtua ceremonisë për medaljen e bronztë. I pranishëm në këtë ceremoni ishte edhe kreu i FIFA, Gianni Infantino, që shpërndau medaljet për kroatët. Ceremonia ishte e denjë për fituesin e Botërorit, teksa Kroacisë i mungoi trofeu dhe fishekzjarret.
42' / Kroaci 2-1 Marok. Mislav Orsic ka shënuar golin e dytë për Kroacinë pas asistit të Livaja. Lojtari "Dalmat" mposht me një gjuajtje fantastike dhe plot teknikë Bonon, me golin që mund të jetë ndër më të bukurit në këtë event.
9'/ Kroaci 1-1 Marok. Ka nisur me ritëm të lartë ndeshja finale për vendin 3 dhe 4 në Botëor. Kroacia shënoi me Gvardiol në minutën e 7 pas një skeme perfekte (asist i Perisic), ndërsa vetëm dy minuta më vonë Dari është përgjigjur për Marokun duke rikthyer ekuilibrat.
Goli i Gvardiol:
Kroacia dhe Maroku luajnë sot në 16:00 finalen e vendit të tretë dhe katërt në Botërorin e Katarit. Në stadium nuk mungon as Ivana Knoll, ish-miss Kroacia që ka tërhequr vëmendjen për veshjet e saj provokuese dhe fotot me tifozët. Edhe në duelin e sotëm ajo gjendet në stadiumin e Dohas duke marrë vëmendjen e fotografëve.
Lajme të tjera
-
Brazili fiton pas katër ndeshjeve, i falet Rodrygos! Suarez një lamtumirë mes lotësh
7 Shtator, 15:41 -
Kupa e Botës/ Dron mbi fushën stërvitore të Brazilit, policia dyshon për spiunazh! Tre të ndaluar
4 Shtator, 22:07 -
Lionel Messi u përlesh me shokun te Argjentina për Antonelën! Papu Gomez 'non grata' në kombëtare
22 Dhjetor 2023, 13:24 -
Lionel Messi: Një vit nga 'çmenduria' më e bukur e karrierës sime
19 Dhjetor 2023, 08:43 -
7.8 milionë dollarë, shiten fanellat që Lionel Messi veshi në finalet e 'Katar 2022'! Michael Jordan mban rekord
15 Dhjetor 2023, 16:53 -
FOTO/ I veshi në Kupën e Botës, fanellat e Lionel Messit kapin çmimin e 'çmendur' në ankand
30 Nëntor 2023, 18:07 -
Angel Di Maria tërhiqet nga Argjentina
24 Nëntor 2023, 16:54 -
VIDEO/Argjentina mposht Brazilin në një ndeshje ku shpërtheu dhunë mes tifozëve
22 Nëntor 2023, 08:46 -
Australia tërhiqet nga gara, Kupa e Botës 2034 shkon në Arabinë Saudite
31 Tetor 2023, 12:56 -
115 mijë vende dhe me vlerë 459 milionë euro, stadiumi spektakolar që do ndërtohet për Kupën e Botës 2030
27 Tetor 2023, 10:58 -
Rama: Shqipëria mbështet Arabinë Saudite për organizimin e Kupës së Botës 2034
6 Tetor 2023, 22:16 -
Stadiumi mitik spanjoll mirëpret finalen e Kupës së Botës 2030
6 Tetor 2023, 15:39
