KATAR 2022/ Rikthimi në garë, trajneri i Argjentinës: Na kanë frikë sepse e dinë kush jemi

KATAR 2022/ Rikthimi në garë, trajneri i Argjentinës: Na kanë frikë sepse e dinë kush jemi

Lionel Scaloni

Argjentina fitoi 2-0 me Meksikën për Kupën e Botës, duke u rikthyer në garë për kalimin e grupit. Pas ndeshjes foli edhe trajneri i Albicelestes, Lionel Scaloni. Trajneri në fillim tregoi për dashurinë që kanë fansat për ekipin dhe frikën e kundërshtarëve kur luajnë përballë Argjentinës.

"Është një lojë futbolli. Ndjenja që po luajmë më shumë se një ndeshje futbolli nuk është e bukur dhe kjo mua nuk më pëlqen. Ne do të përpiqemi t'i bëjmë tifozët tanë të ndihen sikur është thjesht një lojë futbolli. Pavarësisht se është e vështirë t'i bësh njerëzit të kuptojnë se nesër dielli do të lindë sërish nëse fiton apo humbet. Jam shumë krenar për të gjithë lojtarët e mi dhe i emocionuar për atë që kemi bërë", tha fillimisht Scaloni.

Më pas trajneri i Argjentinës tregoi edhe mënyrën e lojës së ekipit të tij, si edhe ndryshimin e kundërshtarëve me Messin në fushë.

"Do të jetë e vështirë. Të gjitha skuadrat luajnë me stil të ndryshëm loje dhe çdo ekip ndryshon kundër nesh, jo vetëm sepse luan Messi, por sepse kanë përballë Argjentinën dhe kanë frikë. Kjo e rrit vështirësinë e ndeshjes. Ne duam ta fitojmë sfidën e fundit në grup përball Polonisë, këtë duam të gjithë", përfundoi Scaloni.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Lodhet Luizi në Big Brother, po mendon largimin: Nuk besoj se do fitoj, do duroj sa do duroj

Lodhet Luizi në Big Brother, po mendon largimin: Nuk besoj se do fitoj, do duroj sa do duroj