POP 5

Lajmet më të lexuara të 5 minutave të fundit

Kronikë

Kërkesa e Dumanit për rikandidim të prokurorëve, avokati Petraj në Report Tv: Legjitime, kanë pasur kërcënime! Bala: Politika do të pengojë punën e SPAK

Kërkesa e kreut të SPAK Altin Dumani që prokurorëve t'u jepet mundësia të rikandiojnë pas përfundimit të mandatit 9-vjeçar, për avokatin Edmond Petraj është legjtime. Avokati Edmond Petraj, u shpreh se disa dosje që prokurorët kanë në duar kërkojnë më tepër kohë.

Kërkesa e kreut të SPAK Altin Dumani ditën e sotme që prokurorëve t'u jepet mundësia të rikandidojnë pas përfundimit të mandatit 9-vjeçar, për avokatin Edmond Petraj është legjtime.

Në një lidhje skype në emisionin Studio Live’, në Report Tv me gazetarin Arbër Hitaj, avokati Edmond Petraj, u shpreh se disa dosje që prokurorët kanë në duar kërkojnë më tepër kohë.

‘Ajo që shoh unë nga kjo situata e sotme që ndoqa është se vura re tek komunikimi i Dumanit që shfaqi disa kërkesa që mendoj se janë legjitime. Kërkoi zgjatjen e mandatit për prokurorët, që aktualisht është 9 vite. Duhet të kenë afat kohë më të gjatë sepse dosjet që ata kanë kalojnë në 3 shkallë. Vetëm një dosje ju e dini se sa kohë shkon’, tha ai.

I pyetur nëse ka informacione që ka pasur kërcënime ndaj drejtuesve dhe prokuroreve të SPAK, ai tha se disa prokurorë kanë pasur edhe kërcënime.

‘Ato që dimë është se disa prokurorë, që e kanë thënë edhe vet kanë pasur kërcënime dhe shantazhe dhe prandaj ka pasur edhe rritje të sigurisë për Dumanin. Jemi në një situatë ku për herë të parë goditet në nivele të larta. Aq më tepër këto goditjet e fundit kanë dhënë efektin e vet’, tha ai.

Ish- kreu i PD Kukës Ibsen Elezi, në një lidhje skype për emisionin, u shpreh se SPAK duhet që të merret me afera të rënda korruptive dhe jo me çështje të rëndomta.

‘Të gjithë ngritën dorën për reformën, por se kishin menduar që do të kenë SPAK këtë forcë për të mbërritur deri në këtë pikë. SPAK ka pasur një detyrë të vështirë dhe i është rritur fusha e veprimit, ndërkohë që duhet të ishte marr me afera korruptive pshm mbi 50 mijë euro e lartë. SPAK i është dhënë detyrë që të merret edhe me gjobat e makinave’, tha ai.

Për gazetarin, Anri Bala, politika do të jetë ajo që do ta pengojë punën e SPAK.

‘Ekziston problemi i dosjeve sepse kanë procesin e tyre dhe mund të zgjasin me vite. Kërkesat e kreut të SPAK mendoj se janë legjitime. Politika të gjithë indikatorët që kemi parë si nga Berisha që është armiku numër pasi retorika e tij ka qenë e dhunshme dhe fyese dhe tani po thonë ka edhe element pozitiv pasi u lirua nga arresti i shtëpisë, por prap ai është nën gjykim. Meta kërkon nga mbështetësit që të bëhet protestë para SPAK dhe Rama që thotë reformën në drejtësi e solla në.  Të treja partitë e mëdha kanë frikë për tu përballur me drejtësinë, dotë pengojnë punën e SPAK’, tha ai.

S.B/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • SHQIPTARI: 02/12/2024 20:31

    Të kenë mandat të pa kufizuar.Por dhe po u koruptuan të dënohen vetëm me BURGIM TË PËRJETSHËM pa asnjë EKUIVOK.

    Përgjigju
  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

VIDEO/ Gjeorgji, protestuesit pro-BE-së mbrojnë gruan e moshuar nga uji i autobotëve të policisë

VIDEO/ Gjeorgji, protestuesit pro-BE-së mbrojnë gruan e moshuar nga uji i autobotëve të policisë

2 Dhjetor, 21:03