TIRANE-Komisioni i Sigurisë miratoi projektligjin për ndryshimet në Policinë e Shtetit që ka qëllim hapjen e këtij institucioni për të pranuar elementë me cilësi më të lartë. Ministri i Brendshëm Sandër Lleshaj u bëri thirrje studentëve që t’i bashkohen Akademisë, pasi Policia e Shtetit ka nevojë për mbi 315 n/komisarë. Ai tha se Policisë së Shtetit i duhet një cilësi e re. “Kriteret e pranimit do të jenë shumë të rrepta për t’u inkurajuar që të futen në polici kapacitete të larta, kemi nevojë për cilësi të re.
Ndoshta është rasti për të laçuar një nismë; së shpejti do të kemi mundësi për të adresuar te akademia e policisë për një trajnim modern për të filluar një karrierë në policinë e shtetit. E fillojnë direkt me gradën n/komisar. Numri nuk do të jetë i vogël, përkundrazi, pasi na duhen 315 n/ komisarë të rinj. Studentët pas kursit do të dalin direk me këtë gradë. Studentë të talentuar ti bashkohen policisë së shtetit. Sot kemi me diplomë universitare edhe ushtarë në ushtri për shkak të prodhimit të madh të universiteteve” tha ai.
Pika kryesore e ligjit për ndryshimet që parashikohen që të bëhen është ajo për pranimin e ushtarakëve në Policinë e Shtetit. Referuar kësaj pike, ministri i Brendshëm, Sandër Lleshaj deklaroi se “Ata që vijnë në policinë e shtetit nuk duhet të jenë ushtarakë aktivë, pra duhet të jenë civilë që të pranohen, të kenë hequr dorë nga ushtria. Qëllimi i kësaj dispozite lidhet me nevojën e përhershme që Policia e Shtetit ka për specialitete të veçanta të cilat nuk mund të përgatiten as universitetet e vendit, dhe as nga Akademia e Policisë.
Specialitete të tilla, të rralla, si ato të fushave kanë të bëjnë me lëndët plasëse dhe eksplozive, me lëndë kimike, me operacione speciale, etj., mund të ofrohen vetëm nga pjesëtarë të forcave të armatosura qofshin aktiv apo në rezervë, për arsye se vetëm forcat e armatosura i prodhojnë këto kategori profesionesh, të cilat ndërkohë Policia e Shtetit ka nevojë”tha ai.
Në këtë pikë mes anëtarëve të komisionit, vetëm nga shumica, pasi opozita nuk ishte e pranishme, kishte një debat. Deputeti i PS, Pjerin Ndreu u shpreh se projektligji ka ngjallur reagime dhe shqetësime në radhët e policisë së shtetit, prandaj kërkoi që të specifikohet pozicioni ku do të punësohen ushtarakët. Socialisti kërkoi që të përcaktohen kuotat dhe funksionet e veçanta, që nuk ofrohen nga akademia dhe pozicionet që do të marrin ushtarakët, pa rrezikuar pozicionet e punonjësve të policisë.
“Ka qindra punonjës të policisë së shtetit që janë të shqetësuar për këtë. Ne e hapëm rrugën, por aty ku kanë mundësi të japin kontribut dhe jo kudo. Ata që vijnë në polici të shkojnë atje ku janë profilizuar, jo si dukur, pasi e hedhim në erë si dikur. Punonjësit e policisë nuk mund të konkurrohen nga këta që do të vijnë, pasi kanë një jetë në luftë me kriminelët. Pra, të japin një kontribut, por jo kudo”.
Debati dhe ngritja e tonit nga Ndreu nuk kaloi pa batuta nga Xhemal Qefalia i cili tha se “Nuk jemi duke folur si punonjës policie, por si deputetë”. Gjithashtu ministri Lleshaj duke iu përgjigjur pyetjes së deputetit të PS, Spartak Braho, pranoi se në radhët e Policisë së Shtetit mund të pranohen edhe individë që më parë kanë qenë pjesë e Shërbimit Informativ.
FJALA E PLOTË E MINISTRIT TË BRENDSHËM SANDËR LLESHAJ
Policia jonë trashëgon një problem të rëndësishëm që ka të bëjë me profilizimin e saj. Ndërmjet Policisë Kriminale, asaj të Rendit apo Kufirit sot ka ndryshime shumë të vogla për sa i përket arsimimit, kualifikimit apo karrierës. Të gjitha kategoritë e punonjësve të policisë marrin sot të njëjtin arsimim dhe përgjatë jetës profesionale kanë mundësi shumë të reduktuara për të marrë kualifikim dhe specializim sipas natyrës së veçantë të shërbimit që ato kryejnë. Për shkak të profilit shumë të ngjashëm profesional, gjatë zhvillimit të karrierës punonjësit e policisë lëvizin rëndom nga njëra kategori në tjetrën. Një punonjës i rendit mund të kalojë në fushën kriminale, ai i kriminales tek kufiri, tek qarkullimi rrugor etj. Këto transferime kanë krijuar rrezikun e humbjes së qëndrueshmërisë, humbjes së ekspertizës, humbjes së specializimit dhe humbjes së kujtesës institucionale.
Me ndryshimin e propozuar synohet që të tri kategoritë e Policisë së Shtetit të kthehen në institucione të mirëfillta, që do të thotë që përveç arsimimit të përgjithshëm, punonjësit e Policisë së Shtetit do të marrin edhe arsimim special sipas fushës, do të diplomohen sipas fushës dhe do të bëjnë karrierë brenda fushës. Kështu, një oficer i diplomuar në fushën e policisë kriminale do ta zhvillojë pjesën më të madhe të karrierës së tij, pas diplomimit si i tillë, brenda kësaj fushe dhe vetëm pas një arsimimi tjetër në një periudhë të vonshme të karrierës, arsimimi në fushën e menaxhimit policor, ai do të mund të shërbejë në funksionet e larta të drejtimit të cilat do të jenë të përgjithshme dhe jo të lidhura domosdoshmërisht me kategorinë apo fushën speciale policore.
Një çështje tjetër është ajo që ka të bëjë me hapjen e njësie për pranim nga radhët e ushtarakëve në Policinë e Shtetit. Është parashikuar një nen parashikon sa më poshtë: “Për plotësimin e nevojave të veçanta, mund të pranohen në Policinë e Shtetit ushtarakë të Forcave të Armatosura të Republikës së Shqipërisë ,të cilët plotësojnë kriteret e përcaktuara në pikën 2 (që janë kriteret e përgjithshme për pranim në Policinë e Shtetit). Për ushtarakët e shërbimit aktiv pranimi realizohet mbi bazën e një marrëveshjeje dypalëshe midis ministrit të Mbrojtjes dhe Ministrit të Brendshëm ku përcaktohen kuotat dhe strukturat nga ku do të pranohen ushtarakët. Në çdo rast pranimi bëhet me vullnetin e lirë të ushtarakëve pas nxjerrjes së tyre në lirim nga Forcat e Armatosura, pra pas shndërrimit të tyre në civilë.
Sipas përcaktimeve përkatëse të ligjit, pranimet do të realizohen në bazë konkurrimi, procedurat e të cilit përcaktohen me udhëzim të Ministrit të Brendshëm. Kalimi nga strukturat e Forcave të Armatosura në Policinë e Shtetit do të bëhet duke e njohur vjetërsinë e tyre të shërbimit në këtë forcë. Dhe një çështje tjetër ka të bëjë me faktin që krahas njohjes së vjetërsisë së shërbimit, do të njihet edhe grada, e cila do t’i ekuivalentohet me një gradë korresponduese policore me vendim të Këshillit të Ministrave. Pra Këshilli i Ministrave do të bëjë një ekuivalentim. Pra nëse një nëntoger i ushtrisë do të vijë dhe të bëhet nënkomisar i Policisë, ky ekuivalentim do të bëhet përmes një vendimi të Këshillit të Ministrave.
Qëllimi i kësaj dispozite lidhet me nevojën e përhershme që Policia e Shtetit ka për specialitete të veçanta të cilat nuk mund të përgatiten as universitetet e vendit, dhe as nga Akademia e Policisë. Specialitete të tilla, të rralla, si ato të fushave kanë të bëjnë me lëndët plasëse dhe eksplozive, me lëndë kimike, me operacione speciale, etj., mund të ofrohen vetëm nga pjesëtarë të forcave të armatosura qofshin aktiv apo në rezervë, për arsye se vetëm forcat e armatosura i prodhojnë këto kategori profesionesh, të cilat ndërkohë Policia e Shtetit ka nevojë.
Hapja e kësaj mundësie, në të vërtetë do të thoja rihapja e kësaj mundësie, e cila ka ekzistuar historikisht për Policinë e Shtetit krijon kushtet që të krijohet një kapacitet shumë i çmuar, ndonëse shumë i limituar në numra, ekspertizë nga forcat e armatosura të cilët kanë krijuar një nivel shumë të lartë në këto fusha, nivel i cili që çmohet gjerësisht edhe në kuadër të operacioneve që ata kryejnë në NATO apo në BE. Të nderuar deputetë, sigurisht që ligji ka edhe disa përmirësime që janë të karakterit teknik ligjor, me të cilat nuk besoj se ka nevojë të ndalem dhe duke përfunduar, ju falënderojë për vëmendjen dhe ju kërkoj mbështetjen tuaja për këto ndryshime të cilat ndonëse janë shumë të vogla, shpresojmë të sjellin impakt të shpejtë dhe të rëndësishëm për funksionimin e strukturave të Policisë së Shtetit.
Komente
Lajme të tjera
-
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47 -
Fier/ Kundërshtim policie, vjedhje dhe publikim i fotove intime, 3 të arrestuar dhe një në kërkim brenda pak orëve (EMRAT)
6 Dhjetor, 13:24
ME THOTE NJERI PSE NUK FILLOI VETINGU NE POLICI ????PSE NUK PERMENDET FARE VETINGU NE POLICI NE FJALIMET E MINISTRIT TE RI??
PërgjigjuKomentues, ushtaraket jan pjesa me e shendosh dhe e arsimuar sh me mire, se te gjith pjesa tjeter uniformmbajtese .Dhe kete e kan treguar dhe e tregojn duke punuar me pagesa sh te ulta.Sepse pasioni dhe dashuria per uniformen eshte ajo qe e drejton nje USHTARAK.Policia eshte ne udhkryq per shkaqe te brendshme dhe te jashtme.Duhet kthyher besimi tek policia dhe ushtaraket mund te japin nje ndihmesh sh te madhe.Me vjen keq qe Punonjes policie ofendojn "kambale" ushtar etj etj.Ushtaraket do jem vler e shtuar per policin e shtetit jo vetem per sektor te vecant por ne cdo qeliz te policis shtetit deri ne nivelet me te larta te saj.Policia e shtetit nuk eshte monopol i asnjeriu .
Përgjigju1.Nese oficeret e policise do te ishin me te zote se sa ata te ushtrise, perse qeveria ruhet nga Garda e Republikes qe jane ushtarake koke e kembe dhe jo nga Policia????? 2. Reparti RENEA e ka zanafillen nga nje repart special i ushtrise dhe jo i policise Prandaj mos krahasoni darin me dollarin
Përgjigjuo bole me kambale garda eshte e m.brendshme jo ushtrise dhe renea eshte rep 88 i policise.pordhe me rigon
O LESH A SI E PO E BO TI POLICIN... PARA SE TE MARESH NE POLICI NJEREZ E TI JAPESH DERYRA E POSTE BEJJI VETINGUN SI KUSHTE TE PARE PASTAJ PRANOI NE RADHET E MB... DHE PASTRO NJEHERE KETA QE KE E JEPU RROGEN SE NGELEN DUKE U ANKU... PASTAJ MENDOHU PER IMPORTIME USHTARESH... APO TE KA NGEL NDONJE SHOKE PA PUNE ANDEJ NGA USHTRIA SE SI KAPIN DOTE MOSHEN ME GRADAT DHE DO ME IVESH PULIC....
PërgjigjuPjerin dhe ti nje kapterr injorant si ish presidenti je... nje cope injorant dhe negativ.. nje oficer ushtrie ka arsim dhe pregatitje te pakten 4 fishin e sojit tend.. pastaj per ndershmerine nuk ka koficsnt... o kapterri i policise i shendeuar ne deputet te Ps...dhe kjo fale kulisave... policia nuk prone e policeve qe qenkan shqetesuar por arme e shtetit .. dhe keto 30 vjet kane milituar vetem negativitet.. mos bej te zgjuarin... ne fund te fundit polic ke qene...
PërgjigjuPo mir o Tutu, kur paske alergji per policine dhe i quan kapterra pa vlere atehere pse kerkojne ushtaret te behen polica? apo qe te na shpetojne. Mjafton te shkosh prane nje reparti ushtarak...gjithmone ka nje kafe/mihane aty prane dhe aty shikon kapterra ushtrie barkderra e pijanece te cilet si hyne ne pune dreqit dhe e marrin rrogen kot...a valle keta do e shpetojne policine???!!!
Të shqetësuar janë vetëm ata që kanë mëkate, të denjët dhe me dinjitet të pastër nuk kanë arsye për shqetësim!
PërgjigjuPo ne fakt Xhafa ishte shume "i paster" qe ngeli tu beje policeve vetingun..
PërgjigjuXhafaj iku, por Vettingu duhet te nise nje ore me pare...Eshte pjese e Vettingut te gjyqtareve, pedagogeve, politikes...
Po per Vettingun e Pokicise nuk deklarove asgje o kapter dudumi? Iku Xhafa dhe e futet ne sirtar? Policia shqiptare ka nevoje te pastrohet.
Përgjigjuo beni ecen vete te paska kap fiksimi me vetingun e pilicise ti, ke nai merak me ndonje polic apo ske pune tjeter
Turpi me i madhe qe po i bohet policise bravo pjerinit qe mbron policat