Kërkoi arrestimin e Dakos për shpërdorim detyre, prokurori Sotir Kllapi 'mban peng' prej 1 viti dosjen e Ilir Metës për korrupsion dhe falsifikim formularësh

Prokurori Sotir Kllapi i kërkoi Gjykatës së Posaçme arrestimin e ish kryebashkiakut të Durrësit, Vangjush Dako, për dy episode të pretenduara shpërdorimi detyre në vitin 2014, për një leje ndërtimi dhe një tender, nga të cilët Dako nuk ka përfituar asgjë, të paktën sipas dosjes së SPAK. Gjyqtari Erion Bani pranoi masën ekstreme në shpërpjestim me veprën penale e shpërdorimit të detyrës dhe në kushtet kur Dako nuk ushtron asnjë fundksion publik prej 4 vitesh. Gjithsesi, do të jetë sërish Gjykata e Posaçme, Apeli dhe ndoshta Gjykata e Lartë që do të vlerësojnë masën e arrestit në raport me rrethanat si dhe akuzat ndaj Dakos.

Në një kohë kur këmbënguli që Vangjush Dako të mbahet në burg për akuzën e shpërdorimit të detyrës, prokurori Sotir Kllapi mban në duar prej një viti dosjen e Ilir Metës, i kallëzuar për pastrim parash, korrupsion, fshehje pasurie, falsifikim formularësh etj. Bëhet fjalë për kontratat e zbuluara për lobim në SHBA me vlerë 700 mijë USD nga Ilir Meta dhe LSI-ja në 2017, para të cilat janë fshehur, duke mos u deklaruar as në KQZ dhe as në ILDKP. 

Në bazë të provave të mbledhura, në qershor të vitit 2022, ish deputeti Halit Valteri referoi një kallëzim në SPAK. Në kallëzimin penal thuhej se Ilir Meta dhe Monika Kryemadhi kanë konsumuar 8 vepra penale, si fshehje të ardhurash, korrupsion pasiv dhe aktiv, pastrim parash, shpërdorim detyre, fshehje pasuri, mospagim taksash etj. Si fakte, në kallëzim thuhet se Ilir Meta dhe LSI-ja kanë lidhur kontrata lobimi në SHBA me kompaninë McKeon Group në vitin 2017, me vlerë qindra mijëra dollarë, duke fshehur shpenzimet si në KQZ, ashtu edhe në ILDKPKI, siç e parashikon ligji. 

Bashkangjitur kallëzimit penal janë kontrata e lobimit, raporti financiar i LSI në vitin 2017 si dhe deklaratat e pasurisë së Metës, Kryemadhit dhe Petrit Vasilit për vitin 2017. Ballafaqimi i këtyre dokumenteve implikon rëndë Ilir Metën, por edhe Petrit Vasilin dhe Monika Kryemadhin. 

Disa ditë më pas, bazuar në këtë kallëzim, SPAK regjistroi procedimin penal me numër 122, me dy akuza: Korrupsion dhe falsifikim të formularëve. Prokurorët e kësaj çështje janë Sotir Kllapi dhe ish kreu i SPAK-ut, Arben Kraja, të cilin Meta e etiketoi si 'Spurdhjaku i partisë qê ka vendosur t’i shërbejë hapur mafies së inceneratorëve'.

Në vijim, Sotir Kllapi dhe Arben Kraja, iu drejtuar me letërporosi autoriteteve ligjzbatuese të Shteteve të Bashkuara të Amerikës, për të konfirmuar shpenzimet e LSI-së për lobim, shpenzime të cilat nuk ishin deklaruar në asnjë institucion publik në Shqipëri. Përgjigja për letërporosinë ka mbërritur në SPAK prej disa muajsh. Përmbajtja e përgjigjes mbetet sekret hetimor. Por gjithsesi nëse Shtetet e Bashkuara të Amerikës nuk do të kishin konfirmuar shpenzimet, do të ishte ishte proceduar me një kërkesë për pushimin e çështjes penale, pasi nuk ekzistonte fakti penal. 

Nëse autoritetet amerikane kanë konfirmuar zyrtarisht shpenzimet e padeklaruara nga Ilir Meta dhe Monika Kryemadhi, nuk kuptohet se pse prokurori Sotir Kllapi nuk zbaton të pakën të njëjtin stadard si në rastin e Vangjush Dakos, edhe pse akuza ndaj Dakos është më e lehtë.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kalariu: 09/06/2023 08:41

    Mos te keni merak se dhe Dako avash avash e hengri! Edhe Meta drejt asaj rruge eshte sa te vijne leterporosite te gjitha, sepse kontratat qe dorezojne Valterat skane fuqi prove! Duhen dokumente zyrtare! Sotir Kllapi e mori te pandehur Ilir Meten kur asnje prokuror ne Shqiperi nuk e beri deri me sot! Na duhen nja 5 si Ky dhe shpetonte Shqiperia!

    Përgjigju
  • Iris: 09/06/2023 01:44

    Sepse Dako edhe ne ditet me te mira,nje barakude ka qene,asgje me teper dhe tani ka 4 vjet qe vetem celsat e kashtes dredh,kurse Meta eshte peshkaqen politike,akoma aktiv.Harruat qe ishte po ky Kllapi qe kllaposi dosjen e floririt te Metes para ca kohesh?! Aq me teper qe si Kllapi,si Kraja duken se jane ne konflikt interesi sepse i pari e ka ceshtjen e dyte kete qe ka te beje me Meten,kurse i dyti eshte komshi ne Lalez.

    Përgjigju
  • Kop: 08/06/2023 23:28

    Sotir Kllapi, eshte shembulli i prokurorit te ndershem. E priti Vanxhushin e krimit dhe e goditi. Sotiri eshte kampioni, por nuk eshte shqipetar por grek dhe tregoji kulture europiane. zKllapi tani godit mitotakisin ce nuk na jep dekumentat

    Përgjigju
  • Mohammad: 08/06/2023 21:17

    Nuk di te thote gje qe e ke kllapi dhe mund ti futesh gjerat ne kllape. Megjithse ky nese eshte bashke me krajen i bi ta hapi ceshtjen me 36 gusht. Se kuptoj perse akoma eshte ne spak arben kraja????????. Petrit vasili e para duhet shkoje ne burg per paisjet qe vinin per spitalet shtetrore dhe vasili i shiste neper klinika e spitale private. Do ta mbroje spak se eshte kusheriri i rames ok

    Përgjigju
  • Sondazhi i ditës:

    Shqipëria në krah të Kosovës, nuk mbështet qëndrimin e BE-së: Si e gjykoni?



×

Lajmi i fundit

Beogradi tha se Kosova nuk i lejoi të marrin pjesë në operacionin në Veri, EULEX-i përgënjeshtron Serbinë: Nuk jemi ndaluar

Beogradi tha se Kosova nuk i lejoi të marrin pjesë në operacionin në Veri, EULEX-i përgënjeshtron Serbinë: Nuk jemi ndaluar