POP 5

Lajmet më të lexuara të 5 minutave të fundit

Kronikë

Koka: Në prill, kalon në Parlament 
pr.ligji për depozitat e mbetjeve

Ministri i Mjedisit, Lefter Koka tha sot se projektligji “Sistemi i depozitës së menaxhimit të mbetjeve” pritet të kalojë në seancë parlamentare për miratim muajin e ardhshëm, pas shqyrtimit që është bërë në komisione parlamentare.
Koka: Në prill, kalon në Parlament <br />pr.ligji për depozitat e mbetjeve
Ministri i Mjedisit, Lefter Koka tha sot se projektligji “Sistemi i depozitës së menaxhimit të mbetjeve” pritet të kalojë në seancë parlamentare për miratim muajin e ardhshëm, pas shqyrtimit që është bërë në komisione parlamentare.

“Ajo që kemi kërkuar është që tu japim mundësi qytetarëve shqiptarë që për mbetje të ndryshme të munden të shkojnë në vendin e caktuar për të rikthyer në një benefit financiar për qytetarët, por edhe kompania të ketë sa më shumë punë dhe të punësuar”, tha Koka gjatë vizitës në një kompani në Durrës, që operon në shërbimet e demontimit të mjeteve dhe riciklimit të mbetjeve.

“Ndaj kemi kërkuar që të krijojmë një skemë depozite financiare ku çdo prodhues apo importues i një produkti i cili në fund të ciklit përfundon si mbetje të mundet të gjejë edhe ai destinacionin e caktuar për ta rikthyer në një lëndë të parë për produkte të tjera”, shtoi ai.

Projektligji synon sipas hartuesve të tij, menaxhimin e integruar të mbetjeve; minimizimin e sasisë së mbetjeve që depozitohen në landfille; përmirësimin e efiçencës së përdorimit të tyre; pakësimin e ndikimeve negative të përgjithshme të mbetjeve; administrimin ligjor të sistemit të depozitës me ndikim të drejtpërdrejtë në formalizimin e aktiviteteve grumbulluese dhe ricikluese të mbetjeve si dhe motivimin e konsumatorëve për të kthyer mbetjet përmes rikthimit të vlerës së depozitës.

Redaksia Online
(m.b/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kryetarja e OSBE: Shqipëria, progres në luftën kundër korrupsionit

Kryetarja e OSBE: Shqipëria, progres në luftën kundër korrupsionit

25 Nëntor, 11:14