Kolumbi, 57 të vdekur dhe 120
persona të zhdukur nga përmbytjet

Kolumbi, 57 të vdekur dhe 120<br />persona të zhdukur nga përmbytjet
Të paktën 57 persona kanë humbur jetën, dhe 120 të tjerë janë zhdukur pas daljes së lumit Liboriane në qytetin kolumbian Salgar nga shtrati për shkak të rreshjeve të dendura të shiut që kanë përfshirë këtë rajon, raporton Anadolu Agency (AA).

Zona e përmbytur e Salgarit ndodhet rreth 100 kilometra në jugperëndim të qendrës rajonale Medellin. Rreshjet e dendura të shiut shkaktuan daljen e disa lumenjve nga shtrati në këtë rajon. Ekipet e shpëtimit ndodhen në terren, ndërsa shumë ndërtesa janë shkatërruar tërësisht. 

"Gjëja e parë që duhet të bëjmë është ta shpallim këtë rajon zonë të fatkeqësisë natyrore, në mënyrë që të mundësojmë qasje të gjithë burimeve të nevojshme", ka thënë presidenti Juan Manuel Santos, i cili vizitoi zonat e përmbytura.

Ekipet e Zyrës Kombëtare për menaxhimin e fatkeqësive natyrore (UNGRD) ndodhen në terren dhe janë duke vlerësuar dëmet në të paktën 30 objekte të shkatërruara ku jetojnë mbi 500 banorë të rrezikuar. 

"Kërkimi për të zhdukurit është në vazhdim e sipër dhe ekziston mundësia që numri i të zhdukurve të rritet. Do të publikojmë vetëm shifra zyrtare të të vdekurve kur të arrijmë t'i gjejmë trupat e të zhdukurve", ka thënë drejtori i UNRGD Carlos Ivan Marquez.

Ndërkohë sipas infromaiconeve të marra banorët e rrezikuar janë funrizuar me ujë të pijshëm dhe ushqim. 

Sistemi i ujësjellësit të qytetit është jashtë funksionit, ndërsa nga qyteti vazhdon evakuimi i banorëve më të rrezikuar, përfshirë këtu fëmijë dhe të moshuar.

"Dua t'i them banorëve të rrezikuar se do të jemi pranë tyre dhe do t'jua ndërtojmë shtëpitë më të mira se atë që kishin para përmbytjeve. Politika ime bazohet në solidaritet me njerëzit e rrezikuar në fatkeqësitë natyre", porositi presidenti i Kolumbisë Santos.

Redaksia Online
(Gre.M/Shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë