I shtohen 10 anëtarë, konstituohet bashkia e Fierit, Subashi betohet për mandatin e dytë (VIDEO)

FIER-Pas Devollit ditën e premte, sot është konstituuar Këshilli Bashkiak i Fierit më pas u betua për mandatin e dytë Armando Subashi nga Partia Socialiste. Këshilli i ri i Bashkisë Fier ka zhvilluar sot mbledhjen e parë të tij ku kanë marrë mandatet 51 këshilltarë, nga te cilët 48 kanë marrë mandatin nga PS, 2 anëtarë të Demokracisë Sociale dhe një këshilltar nga Partia Social Demokrate.

Në mbledhjen e sotme të Këshillit të Bashkisë Fier është zgjedhur nëpërmjet votimit kreu i  ri i këshillit Vangjel Ndreko si dhe sekretarët më pas u betua Armando Subashi. Këshilli i Bashkisë nis legjislaturën e re me një shtesë të numrit të anëtarëve të këshillit me gati 10 anëtarë më shumë. Nga 41 anëtarë që kishte më parë këshilli i Bashkisë Fier sot ka 51 anëtarë.

I pranishëm në konstituim ndodhej edhe kryetari i Kuvendit, Gramoz Ruçi deputet i zgjedhur në këtë qark në zgjedhjet e 2017. Mbledhja nuk është shoqëruar me debate apo incidente si në rastin e Devollit bashkia bashkia nuk ndërroi drejtim. 

Nesër konstituohet Këshilli Bashkiak i Tepelenës në orën 10:00 dhe ai i Memaliajt në orën 12:00. Këshilli i Memaliajt ishte planifikuar sot por nuk dihet arsyeja pse u shty për nesër konstituimi. Kryeministri Rama u dha porosi që të konstituohen para datës 12 gusht. 

Presidenti dhe opozita (që i bojkotoi) nuk i njohin zgjedhjet lokale të 30 Qershorit, ndërsa SHBA dhe BE, pasi i certifikuan, kërkuan që kryetarët e rinj të bashkive që u zgjodhën të nisin punën sa më parë.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv

Arratisja e madhe në Ambasadën Greke, 17 qershor 1990, Në 'Esencë' Bujar Aliko! Sot ora 21:00 në Report Tv