Korçarët shfrytëzojnë orarin për të bërë pazare, ruhet distanca: Njerëz jemi, marrim vesh (VIDEO)

Fasha e orarit nga 05:00-13:00 është shfrytëzuar nga qytetarët që të dalin për të bërë pazar. Ditën e sotme ka pasur lëvizje të qytetarëve që u drejtohen supermarketeve, farmacive dhe furrave të bukës, dhe në pjesën më të madhe, ka ndërgjegjësim të qytetarëve që ruajnë distancën. Masa janë marrë edhe pronarët e bizneseve, të cilët lejojnë që të futen në ambientet e brendshme të biznesit aq persona sa mund t'u lejohet që të mbahet distanca. Qytetarët për mikrofonin e Report TV shprehen se nga shtëpia dalin vetëm për të bërë pazaret e nevojshme.

"Kam dalë të marrë fruta-zarzavate. S'kam ku të shkoj në këtë të ftohtë. Ja jemi me një metër distancë. Po pres radhën. T'i shmangemi koronavirusit që na ka zënë dhe të zbatojmë rregullat"

"Dal nga shtëpia vetëm për ushqime, nuk dal në oraret e tjera. Vetëm pazari na nxjerr nga shtëpia. Respektohet radha se njerëz jemi, marrim vesh", thanë disa qytetare.

Këto masa po respektohen në pjesën më të madhe të qytetit, por sërish ka një pjesë e cila qëndron indiferente.

Lajmi kryesor:

VËZHGIMI sot/ Në Kombinat fluks blerësish ngjitur njëri-tjetrin, policia dhe ushtria i këshillon të mbajnë distancën! Ndërgjegjësim në qytetet e tjera!

B.K./b.ha./Shqiptarja.com

TAG:
• Koronavirus
• koronavirusi ne shqiperi