Koronavirusi ka lënë jashtë stadiumeve tona edhe ata pak tifozë që kishin interes për të ndjekur kampionatin e futbollit. Dy ndeshjet e ditës së sotme që po zhvillohen të vlefshme Superioren Vllaznia-Partizani dhe Skënderbeu-Kukësi po luhen pa tifozë, pasi dyert e stadiumeve janë kyçur në bazë të planit të masave ekstreme që janë marrë.
Gjithashtu, në momentin që dy ekipet kanë zbritur në fushë nuk janë përshëndetur, pasi shtrëngimi i duarve nuk lejohet, po ashtu as fëmijët. Në stadiumin 'Loro Boriçi' është vendosur struktura e monitorimit për respektimin e masave, ndërsa të pranishëm janë vetëm stafet dhe administrata.
Drejtori i Partizanit, Olsi Rama u shpreh mjaft i zhgënjyer pas humbjes me skuadrën e Vllaznisë në "Loro Boriçi". 'Është një humbje që dhemb, sepse i bën shumë pis ujërat në klasifikim. Ne do të vijojmë të respektojmë garën, do të vijojmë të luajmë. Trajneri është marrë për një periudhë afatgjatë dhe kur e morëm nuk i kërkuam titullin kampion, por me idenë që të rindërtojmë bazat e asaj që filluam të hedhim një vit e gjysmë më parë.
Nuk jam aspak i kënaqur nga loja e ekipit. Po ndikon mungesa e shpirtit të grupit dhe skuadrës, mbase nuk janë mësuar të luajnë për këto objektiva. Fakti që u luajt pa tifozë është një humbje për futbollin, përballë një emergjence të tillë, kjo ishte e vetmja zgjidhje që jepej". I pyetur nëse i vëllai kryeministër i ka dhënë ndonjë këshillë për situatën mbi koronavirusin, Olsi tha se "Lani duart, por nga çfarë të lajmë duart është muhabeti".
Beteja për titullin? "Ne do i marrim ndeshjet një nga një dhe ne duhet të zbresim në fushë për të dhënë maksimumin. Sot nuk e dhamë maksimumin në fushë dhe merituam humbjen. Nuk jam profet të mendoj ku mund të jetë Partizani në fund të sezonit. Të kalojmë këtë emergjencën për Partizanin dhe koronavirusin dhe pastaj flasim" përfundoi ai.
Janë zhvilluar sot në kushte të pazakonta dy ndeshjet e fundit të javës së 26 të Superligës, të cilat kanë prodhuar rezultate shumë befasuese. Pa tifozë në stadium Skënderbeu ka mposhtur 2-1 Kukësin, duke marrë kështu fitoren e katërt radhazi. Ndërkohë për verilindorët kjo ishte një humbje që djeg shumë, pasi tani Tirana është e shkëputur me 9 pike në luftën për titull kampion. Për trajnerin Shehi mungon ende fitorja e parë në drejtimin e Kukësit.
Ndërkohë Partizani futet në krizë të thellë pasi sot në ndeshjen me Vllazninë është mposhtur për herë të tretë radhazi ne kampionat. Shkodranët kanë marrë një fitore me mjaft vlera në Loro Boriçin e kyçur pasi tani mund të pretendojnë të largohen nga vendi i tetë, që të dërgon ne play-off.
Dy ndeshjet e ditës se hënë në Superligë do të luhen pa praninë e tifozëve në stadium, si pasojë e frikës së përhapjes së koronavirusit në Shqipëri.
Mëngjesin e sotëm kryeministri Rama urdhëroi që aktivitet sportive ashtu si një sërë aktivitetesh të tjera të pezullohen deri më 3 prill, por menjëherë FSHF iu drejtua me një kërkesë Ministrisë përkatëse për t'i zhvilluar ndeshjet pa tifozë, ashtu siç po ndodh së fundmi edhe në Itali.
Pas disa orëve FSHF mori konfirmimin që ndeshjet Vllaznia-Partizani dhe Skënderbeu-Kukësi të luhen pa tifozë.
Koronavrusi është bërë shkak për ndryshimin vendit të planifikuar për zhvillimin e ndeshjes miqësore mes Sllovenisë dhe Shqipërisë.
Ndeshja ishte vendosur që të zhvillohet në Udine të Italisë në datë 30 mars të këtij viti, pra pas pak javësh. Por për shkak të situatës alarmante që ka mbërthyer Italinë nga koronavirusi ndeshja është vendosur të zhvillohet në Koper të Sllovenisë.
Lajmin e ka konfirmuar Federata Sllovene. Ndërkohë që është anuluar ndeshja miqësore Shqipëri- San Marino e planifikuar në 27 mars.
Në Federatën Shqiptare të Futbollit po diskutohet kërkesa e qeverisë për pezullimin e ndeshjeve. Mësohet se FSHF ka kërkuar nga ana e saj që ndeshjet të mos pezullohen por të luhen pa tifozë.
Sot janë dy ndeshjet e fundit të javës së 26 që luhen në Shkodër mes Vllaznisë dhe Partizanit dhe në Korçë mes Skënderbeut dhe Kukësit.
Komente
Lajme të tjera
-
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11 -
Origjina e virusit mbetet ende mister dhe tre vjet pas pandemisë
28 Shkurt 2023, 20:18 -
Eduard Zaloshnja: Efekti i epidemisë dhe luftës në Ukrainë tek çmimet e konsumit
27 Shkurt 2023, 15:13
-
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47
Sa te kete Gaz Demin dhe Olsi Ramen ne krye Partizani, me mut do jete...Partizani eshte fasade per pune te ndyra per te dy...
Përgjigju