/ATSH /.-Si rezultat i fluksit të madh të levizjeve të qytetarëve me automjetet e tyre për festen e 1 Majit  janë krijuar kolona në dalje nga Republika  e Kosovës për në Republikën e Shqipërisë. "Me këtë rast janë  janë ndermarr te gjitha masat duke përfshirë edhe koordinimin dhe njoftimin e autoriteteve të Shqipërisë per këto kolona dhe pritje, ndersa si rezultat i këtyre veprimeve rreth orës 09:40 ka filluar kontrolli më lehtësuar në kufi , dhe rreth orës 10:15, janë zvogëluar  kolonat e automjeteve dhe trafiku është zhvilluar normal pa pritje", deklaroi pak më parë Policia e Kosovës.
Një numër i madh i kosovarëve sot që nga orët e hershme të mengjesit janë nisur drejt Shqipërisë, meqë 1 Maji është ditë feste sipas Ligjit  për festat zyrtare dhe pasohet edhe me dy ditë tjera pushimi të fundjavës.
Në portat kufitare Shqipëri-Kosovë këtë vit pritet rritje e mëtejme e fluksit në krahasim me rritjen e vit  të kaluar.
Në vendkalimet kufitare Kosovë-Shqipëri, viti 2014 ka shënuar rritje të fluksit të njerëzve për 19,312 % dhe të automjeteve për 21,883 %, krahasuar me 2013-tën, ka bërë të ditur Policia kosovare ekskluzivisht për ATSH-në në fillimin e 2015-ës.
Në venkalimet kufitare Vërmicë, Qafë Prush dhe Qafë Morinë në 2014-tën kishte 4262588 hyrje-dalje të personave,  689940  më shumë se në vitin 2013, kur kishte 3572648.
Në këto tre porta kufitare në 2014 kishte 1623882 hyrje-dalje të automjeteve,  291553  më shumë se në vitin 2013 kur kishte 1332329.
Në 2014-tën  persona në hyrje drejt Kosovës në  Vërmicë-Morinë kishte 1936660, në Qafë Prush 141282 dhe në Qafë Morinë 192063 - totali 2270005, ndërsa në dalje drejt Shqipërisë kishte në Vërmicë-Morinë 1747567, në Qafë Prush 93186 dhe në Qafë Morinë 151830 - totali 1992583 .
Në 2013 persona në hyrje kishte në Vërmicë-Morinë 1644655, në Qafë Prush 136735  dhe në Qafë Morinë 159429 - totali 1940819, ndërsa persona në dalje kishte në Vërmicë-Morinë 1418917, në Qafë Prushi 96003 dhe në Qafë Morinë 116909 - totali 1631829.
Në 2014-tën, automjete në hyrje kishte në Vërmicë-Morinë 658551, në Qafë Prush 54041 dhe Qafë Morinë 74912 - totali 787504, ndërsa në dalje  në Vërmicë-Morinë 723523, Qafë Prush 46978 dhe Qafë Morinë 65877 - totali 836378
Në 2013-tën  automjete në hyrje kishte në Vërmicë 587297, Qafë Prush 48257 dhe Qafë Morinë 64238 -totali 699792, ndërsa në dalje në Vërmicë-Morinë 543168, në Qafë Prush 41164 dhe Qafë Morinë 48205 - totali 632537.
Në verën 2014, në tre muaj, në krahasim me verën 2013 është rritur për 260,411 fluksi i hyrje-daljeve Kosovë-Shqipëri, sipas shifrave zyrtare të kontrollit të personave nga tre pikëkalime kufitare, Vërmicë-Morinë, Qafë Prush dhe Qafë Morinë.  Në muajt qershor, korrik e gusht në vitin 2013 kishte 1713036, ndërsa në 2014-ën 1973447 hyrje-dale. Ekskluzivisht për ATSH-në të dhënat zyrtare i bënte të ditura Policia e Kosovës - Zyra për Infomim dhe Marrëdhënie me Publikun - Drejtoria e Përgjithëshme në Prishtinë. Hyrje-dalet Shqipëri-Kosovë në muajin gusht  2013  ishin 939253 , ndërsa në gusht  2014 ishin 1073903,  në krahasim 134650  më shumë.
Për muajt qershor e korrik të dhënat i bënte të ditura për ATSH-në  Major Baki Kelani, Shef i Zyrës për Infomim dhe Marrëdhënie me Publikun - Drejtoria e Përgjithëshme e Policisë së Kosovës, në Prishtinë.
Në tre vendkalimet Shqipëri-Kosovë, sipas të dhënave të kontrollit, në  qershor  2013  kishte hyrje-dalje të  252346  personave,  ndërsa në qershor 2014 të 357525 personave,  105179 më shumë.
Në muajin korrik 2013 hyrje-dalje të personave kishte 521437, ndërsa në  korrik 2014 kishte 542019, në krahasim 20582 më shumë.
Nga fillimi i muajit korrik 2014, Policia e Kosovës dhe Policia e Shqipërisë, duke zbatuar Memorandumin e Bashkëpunimit, patrulluan së bashku në rrugët e Shqipërisë me qëllim krijimin e një ambienti sa më të sigurt për të gjithë qytetarët gjatë sezonit turistik.