Kosovë, paralajmërohen masa të reja anti-COVID

Duke nisur nga java e ardhshme pritet që në Kosovë të hyjnë në fuqi masa të reja kundër  COVID.

Këto masa janë paralajmëruar nga sektori i gastronomisë. Pritet të përfshihet edhe dëshmia e vaksinimit për të marrë pjesë në disa aktivitete.

Nga Shoqata e Gastronomëve dhe Oda e Hotelierisë dhe Turizmit thanë se pas takimeve me ministrin e Shëndetësisë, Arben Vitia, përveç qytetarëve edhe stafit të sektorit të gastronomisë, do t’u kërkohet që të dëshmojnë se janë vaksinuar me të paktën një dozë të vaksinës.

“Çdo qytetar i Kosovës në mënyrë që të marrë pjesë në çdo aktivitet shoqëror, qoftë qendër tregtare, klube të natës apo në ahengjet familjare, obligohet që të marrë vaksinën anti-COVID, sepse nga data 20 gusht do të kërkohet që të paktën dozën e parë ta kenë të përfunduar, përndryshe nuk mund të marrin pjesë në asnjë aktivitet”, tha Oda e Hotelierisë dhe Turizmit.

TAG:
• koronavirusi
• masat anticovid