Disa prej partive shqiptare në Maqedoni nuk janë dakord me nismën e Shengenit Ballkanik. Mes atyre që e kundërshtojnë është edhe kreu i Aleancës për shqiptarët, Ziadin Sela. Ai e cilësoi si një skandal që i ka bërë shqiptarët që të flasin me vete. ‘Skandal për faktorin politik shqiptar, pa marrë parasysh se ku jeton. Unë nuk them se duhet të bashkohemi fizikisht faktorët politikë kudo që janë, por me qëndrime dhe në platformë dhe në ide të jemi të bashkuar. Ndjehem i zhgënjyer besoj si çdo shqiptarë që jeton në këtë botë, nuk po e ndaj në këto tre vende, pesë vende apo në të gjithë botën, sepse deklaratat e kryeministrit të Shqipërisë kanë bërë që shqiptarët të flasin me vetën dhe të ndjehen të irrituar, me të drejtë.
Ne si Aleanca për Shqiptarët çdo nismë rajonale, duke pasur parasysh që Kosova vazhdon që të mos pranohet si shtet i pavarur dhe përballet me një luftë të egër diplomatike, me tërheqje të njohjeve të pavarësisë që ka arritur deri tani, duke pasur parasysh që akoma nuk është anëtare fuqiplotë në Kombet e Bashkuara, mendoj që çdo nismë rajonale që do të nis të shkojë përmes Prishtinës sot, dhe as përmes Tiranës, as përmes Shkupit dhe as përmes çfarëdo kryeqyteti në rajon.
Sapo kemi dalë nga një proces ngërçi, bëmë ndryshimet kushtetuese, u arrit marrëveshja me Greqinë, në lidhje me emrin, kemi pasur edhe plot probleme të tjera për t’i shtruar në tavolinë, dhe ne si Aleancë për shqiptarët edhe i shtruam, por ideja që çdo herë përflitej dhe flitej ishte largimi i influencës ruse nga Ballkani sa më shpejtë të jetë e mundur, dhe në drejtim të kësaj, faktori politik shqiptar bëri kompromis edhe me vetën e tyre dhe la shumë nga vetja e tyre në mënyrë që të arrihet ky qëllim.
Mendoj që politikanët kosovarë të dalë si rezultat i zgjedhjeve të fundit parlamentare atje, më të rëndësishme se çdo gjë e kanë të ndërtojnë institucionet e shtetit të dala nga zgjedhjet e lira dhe demokratike të tetorit dhe jo teket e tyre personale për të marrë ndonjë pozicion më të mirë ministri ose presidenti. Albin Kurti sa më shpejtë duhet të bëhet kryeministër i Kosovës në mënyrë që Kosova t’u përgjigjet këtyre nismave institucionalisht nga kryeministra dhe ministra të cilët janë rezultat i vullnetit të shprehur me votë ditën e zgjedhjeve’ tha Sela. Shqipëria, Serbia, Maqedonia dhe Mali i Zi së fundmi iu bashkua nismës për Shengenin Ballkanik, ndërsa Kosova me Bosnjën nuk pranuar që të ulen në tryezë. Refuzimi i Kosovës solli edhe replika në distancë mes kryeministrit të Shqipërisë dhe të Kosovës, por Rama deklaroi se herët apo vonë Prishtina do të ulet në tryezë.
Lajme të tjera
-
Shkarkohet Arben Taravari, Ziadin Sela në krye të Aleancës për Shqiptarët në Maqedoninë e Veriut
18 Shkurt, 19:41 -
Propozimi francez, në Maqedoninë e Veriut fillojnë bisedat mes palëve politike! Sela takon Kovaçevskin: Mbështesim integrimin
4 Korrik 2022, 11:25 -
Meta takon Kryeministrin e mandatuar të Maqedonisë së Veriut: Të dy vendet tona meritojnë çeljen sa më parë të negociatave me Bashkimin Europian
12 Janar 2022, 14:53 -
Po, Rama është lideri Ballkanit
29 Korrik 2021, 15:05
-
Nesër ‘Forumi Ekonomik’, Rama mbërrin në Shkup, i shoqëruar nga Vuçiç dhe Zaev! 'Mini Shengeni’ tema kryesore
28 Korrik 2021, 11:27 -
Në mos anëtarësim, fonde për zhvillim
30 Qershor 2021, 14:26
-
Kundër provokimeve, BE thirrje Kurtit: Mos e ço Policinë në Veri për të mbledhur faturat e energjisë
29 Maj 2021, 16:32 -
Ministeriali Digjital i Ballkanit Perëndimor/ Rama: Shqipëria 95% të shërbimeve online! Objektiv i Shengenit rajonal, heqja e tarifave roaming (VIDEO)
2 Nëntor 2020, 11:42 -
Arrihet marrëveshja e parë e Shengenit Ballkanik, Çuçi: Pakt me Maqedoninë për produktet bujqësore
23 Prill 2020, 11:37 -
Negociatat, Rama: Macron brutal,por i sinqertë! Steriotipet për shqiptarët, fyese (VIDEO)
22 Shkurt 2020, 10:16 -
Albin Kurti nga Mynihu: 'Mini-Shengeni' i pa projektuar për implementim, e kam të paqartë
15 Shkurt 2020, 09:55 -
Debat dhe tension, zbulohet çfarë ndodhi në takimin e parë mes Vuçiç dhe Albin Kurtit: Ishte i ashpër
14 Shkurt 2020, 23:09
