Edhe shefat më të famshëm të kuzhinës botërore gjejnë kohë të dëgjojnë lajme për Shqipërinë. Sébastien Krieger, shef i kuzhinës franceze kishte akumuluar në memorien e tij një imazh “shumë të keq” për vendin tonë. Kështu shprehet ai në një intervistë për “Shqiptarja.com”.
“Shija e keqe” e këtij imazhi, nëse do shprehemi me gjuhën e kuzhinës, është larguar si me magji, kur Krieger u ftua në Tiranë nga organizatorët e aktiviteteve kulturore të “Pranverës frankofone” të mbajtur nga Ambasada Franceze në bashkëpunim me institucionet e kulturës shqiptare.
Kjo është java e katërt e aktiviteteve kulturore të “Pranverës së Frankofonisë në Shqipëri, që do të mbyllet më 30 mars dhe do të ketë të tjera supriza. Më 23 mars koreografi me famë botërore dhe me origjinë shqiptare, Angjelin Preljocaj, do të vijë në Tiranë së bashku me bashkëshorten e tij, Valeri Muller, për të prezantuar filmin “Polina”.
Ndërsa Sébastien Krieger ka ardhur në Tiranë së bashku me Marc Payeur për të sjellë shijen franceze të kuzhinës, në kuadër të një aktiviteti kulinar që zhvillohet në 5 kontinente dhe në më shumë se 150 vende nga Ambasada Franceze dhe shefat e mbarë botës. Dy shefat francezë që punojnë në restorante me 5 yje, kanë organizuar mbrëmë një darkë me menu “à la française” për shqiptarët një nga hotelet luksoze të Tiranës.
Zoti Krieger, kur ju u ftuat nga Ambasada Franceze për të ardhur në Shqipëri në kuadër të Pranverës Frankofone”, çfarë keni menduar përveç suprizave që do të sillni në kuzhinë?
-Unë nuk e prisja që të gjeja një vend kaq të mirë dhe të bukur, sepse shpeshherë për Shqipërinë ne dëgjojmë lajme jo shumë të bukura, dhe jo vetëm atje në Francë. Dhe kisha menduar se ishte një vend i vogël, një që jetohej shumë keq. Është hera e dytë që unë vij Brenda një harku të shkurtër kohor në Shqipëri për këtë aktivitet, që i referohet edhe muajit të të kulturës në vendin tuaj. Dhe tani që e kam parë këtë vend dhe e kam njohur kam menduar që të vijë për pushime këtu. Më pëlqen të vij sidomos për pushimet e dimrit. Po. Kam menduar se kur të marr pushime do të vijë patjetër sërish këtu.
Çdo traditë e një vendi të bënë kurioz, sidomos në kuzhinë, a mund të na thoni se nga cili rajon i Francës jeni dhe çfarë tradite keni trashëguar nga ky vend?
-Unë jam me origjinë nga Alsace në veri të Francës, dhe aty tradita dhe shijet janë të mishrave të tymosur, mënyrave të përpunimit të mishit. Kjo ka qenë tradita jonë. Por unë kam eksploruar tradita të zonave të tjera të Francës e të botës dhe kështu i bashkojë këto tradita me krijimtarinë time në kuzhinë.
Nga traditat e trashëguara dhe ajo përdorimit të mishit, edhe për shkak të nevojave që sjell një klimë e ftohtë malore, çfarë prezanton kur ndodhesh në një vend mesdhetar që ka shume perime, janë ato preferenca juaj?
-Në fakt unë kam zbuluar perimet që bëhen këtu, kur erdha një muaj më parë në Tiranë për të punuar me shefin shqiptar këtu, dhe kështu pasi mësova shijen e veçantë të tyre, së bashku kemi vendosur të sjellim supriza në një darkë shqiptaro-franceze.
I përdorni ju erëzat si mesdhetarët?
Unë kam një koncpet timin në kuzhinë. Kuzhina e vërtete për mua duhet të jetë me sa më pak erëza, sepse nuk e ndjen aromën e produktit. Për mua të gatuash, do të thotë të zbulosh shijen origjinale të produktit.
Çfarë mesazhi do të jepnit ju si shef kuzhine për personat që kanë prirje të jenë vegjetarianë.
-Ka vërtetë një shtim të numrit të pesonave me prirje vegjetariane, dhe ka shumë prej atyre që nuk e preferojnë shumë mishin. E vërteta është që njerëzit kanë nisur të hanë më pak mish dhe të përdorin shumë sallat. Sallat këshillohen dhe mund të bëhen shumë prezantime të shijshme të tyre. Kështu që, edhe pa qenë vegjetarian propozohet që mishit të zër edhe më pak vend në pjatatat tona.
d.b/shqiptarja.com
Lajme të tjera
-
Ekipet arkeologjike shqiptare dhe franceze, gërmime rreth banjave termale të Apolonisë
27 Gusht, 11:34 -
‘Rreze Dielli’ hap audicionet për të fiksuarit pas gatimit! Rubrika e re bën bashkë profesionistë ose jo për të ndarë shije
24 Tetor 2023, 17:04 -
Gatoi për Mbretëreshën Elisabeth, kuzhinieri shqiptar Ismet Shehu rrëfen në Report Tv eksperiencën emocionuese
9 Shtator 2022, 13:15 -
Mediat e reja në Ballkan, për herë të parë në rajon, një program njëvjeçar trajnimi për Median Dixhitale
9 Qershor 2022, 20:00
-
Kulinaria italiane prezantohet në Gjirokastër, ambasadori Bucci: Mbështesim me projekte zhvillimin e turizmit cilësor në qytetin historik
2 Nëntor 2021, 10:31
-
Diskutime rreth strategjive të reja në arsim dhe përfshirjes së gjuhës së huaj në kurikul, Kushi zhvillon takim me përfaqësuesit e ambasadave
30 Gusht 2021, 11:26 -
Forcat detare shqiptare dhe Marina franceze pastrojnë detin Jon, nxirren 310 municione historike në Vlorë! Nga predha të Luftës së II, te pistoletat
6 Korrik 2021, 07:36 -
Pse preket Franca nga një fjalë?!
20 Janar 2021, 13:54
-
Debati për vaksinat/ Rama reagon pas deklaratave të ambasadës franceze: E nxori jashtë kontekstit, s'kam sulmuar asnjë aleat! Nuk i heq asnjë presje asaj që kam thënë
17 Janar 2021, 12:29 -
Nota franceze dhe mllefi shqiptar me vaksinat
16 Janar 2021, 21:56
-
Letra e ambasadës franceze për Ramën/ Basha: E turpshme që Tirja e qeverisë sulmon BE për dështimet e tij
16 Janar 2021, 17:12 -
Rama kritikoi BE që s’e ndihmoi Shqipërinë me vaksina antiCOVID, Ambasada Franceze: S’mund të sulmohet kështu një vend mik dhe aleat
16 Janar 2021, 12:40
