Kryemadhi gjen ‘zëvendësuesen’ e Nasip Naços, nis ‘blerjet’ tek Për’puthen, fut në parti Shqipe Hysenajn që u përjashtua si homofobe

TIRANË- Kryetarja e Lëvizjes Socialiste për Integrim Monika Kryemadhi ka intensifikuar takimet dhe lëvizjet për të zëvendësuar figurat kryesore që po braktisin LSI-në, duke u bashkuar me Partinë Socialiste. Pas shfaqjes në krah të deputetëve, të cilët i ka akuzuar si tradhtarë dhe të blerë me paratë e drogës, si dhe kandidimit për deputet të djalit të ish-kryeprokurorit të Tiranës, Petrit Fusha, i cili u largua nga drejtësia në shkurt të vitit 2019 nga frika e Vetingut dhe që është kallëzuar penalisht, Kryemadhi ka hapur dyert e partisë për personazhe të përjashtuar nga emisionet televizive për sjellje të dënueshme dhe homofobe.

Ditët e fundit, Kryemadhi është shfaqur në krah të Shqipe Hysenaj, ish-konkurrentja e Për’puthen, e përjashtuar nga ky emision televiziv për komente homofove dhe sjellje të papërmbajtshme. “Me Monika Kryemadhin, ne besojmë tek forca e gruas dhe e familjes”, tha ajo. Pas daljes në krah të kryemadhit, vajza ka deklaruar se do t’i futet politikës dhe se do të jetë pjesë e LSI-së. Afrimi i vajzës drejt LSI-së përkon me largimin e bujshëm të Nasip Naços, i konsideruar një nga figurat më me peshë të LSI-në në Berat. Pas Naços, u larguan me LSI duke iu bashkuar PS-së, edhe një pjesë e bazës së LSI në Berat.

Ndërkaq, nuk përjashtohet mundësia që Kryemadhi ta përfshijë vajzën në listën e kandidatëve për deputetë. “Zëri im është fiks për parlament, në qoftë se më fikin mikrofonin, unë edhe aty do të dëgjohem... Kam qejff të bëhem deputete…por mendoj që shkallët ngjiten një nga një, avash-avash edhe alfabeti fillon nga A-ja deri tek Zh-ja, unë nuk mund ta çoj direkt tek Zh-ja”, ka pohuar Shqipja.

LEXO EDHE:
Sondazhi i Report Tv, Namir Lapardhaja: PS ka rritje prej 'luftës civile' në PD! Partitë e reja të gjejnë forcë të bashkohen rreth euro-atlantizmit

Ndërkaq, produksioni programit, në njoftimin e përjashtimit, ndër të tjera thoshte se “Konkurrentja Shqipe Hysenaj, në mënyrë të përsëritur ka shfaqur sjellje të papërshtatshme dhe të dënueshme në raport me moralin shoqëror, çka nuk e klasifikon atë si një model që të rinjtë duhet ta ndjekin”. Megjithatë, LSI, në këto ditë të vështira, duke se ëshë gati të ‘mirëpresë’ këdo dhe pa filtra.

Disa ditë më parë, gjatë një takimi në Prrenjas, Kryemadhi kishte në krah deputeten e opozitës në Parlament Suzana Topi, e cila doli nga listat e LSI dhe pranoi mandatin e deputetit, veprim për të cilin Kryemadhi e akuzoi si të blerë me paratë e drogës. Largimet e njëpasnjëshme nga LSI duket se e kanë trembur Kryemadhin, e cila është “detyruar” të lërë pas krahëve fjalët që ka thënë dhe të pranoj në partinë e saj deputetët që pranuan mandatin dhe që ajo i quante tradhtarë.

Në zgjedhjet e 25 prillit, LSI nuk do të ketë një pjesë të konsiderueshme të figurave të njohura, të cilët kanë edhe një mbështetje të madhe popullore, përfshirë këtu Lefter Kokën në Durrës apo edhe Nasip Naços në Berat. Nga LSI kanë ikur mbi 40 figura qendrore dhe me peshë në elektorat.

TAG:
• PS
• monika kryemadhi
• Nasip Naco
• zgjedhjet parlamentare 2021
• shqipe hysenaj

Sondazhi i ditës:

Si ka qene per ju viti 2024?

• I mire

  43.9%

• I keq

  22.8%

• As i mire as i keq

  33.3%

Vota total: 1514

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq